Poshan Aahar : अंगणवाडीतील बालकांच्या जीवाशी खेळ; बुरशी,अळ्या असलेला आहार पुरवठा

शुभम देशमुख 

भंडारा : अंगणवाडी व शाळांमध्ये मुलांना दिल्या जाणाऱ्या पोषण आहाराबाबत अनेक तक्रारी आहेत. मात्र पुरवठादाराकडून अजूनही मुलांच्या जीवाशी खेळ केला जात असल्याचे समोर येत आहे. याच दरम्यान भंडारा जिल्ह्यातील तुमसर शहारातील अंगणवाडी केंद्रात निकृष्ट दर्जाचा आहार पुरवठा महिला बचत गटाच्या माध्यमातून करण्यात येत असल्याचे दिसून आले आहे. यामुळे बालकांच्या जीवाशी खेळ करण्यात येत असल्याचा धक्कादायक वास्तव समोर आलं आहे.

शाळा व अंगणवाडीतील मुलांना शासनाच्या वतीने (Poshan Aahar) पोषण आहार योजना राबविण्यात येत आहे. हा पोषण आहार शाळेतच शिजवून दिला जात आहे. यासाठी बचत गटांच्या महिलांना हे काम दिले जात असते. अशाच प्रकारे (Bhandara) भंडारा शहरातील अंगणवाडीसाठी आहार शिजविण्यासाठी बचत गटांना काम देण्यात आले आहे. मात्र या बचत गटांकडून दिला जाणारा आहार निकृष्ट दर्जाचा असल्याचे समोर आले आहे. 

अंगणवाडीतील लहान मुलांना येथे आहार देण्यात यावा; यासाठी शासनाच्या वतीने योजना सुरू करण्यात आली आहे. तुमसर शहरातील अंगणवाडी केंद्रातील पोषण आहार शिजविण्याचे कंत्राट बचत गटांना देण्यात आले आहे. मात्र बचत गटाच्या माध्यमातून बालकांना निकृष्ट पोषण आहार दिला जात असल्याने अंगणवाडी सेविका यांनी याची तक्रार नगरपरिषदकडे केली आहे. मात्र याकडे नगर परिषदचे अधिकारी यांनी लक्ष दिले नाही. आता पुन्हा याची तक्रार करण्यात आली असुन अधिकारी काय कारवाई करतात ते पाहावं लागेल.