Bhandara News: धूलिवंदनाच्या दिवशी काळाचा घाला! तलावात पोहायला गेलेल्या 16 वर्षीय मुलाचा बुडून मृत्यू

Bhandara News: ऐन सणाच्या दिवशी घडलेल्या या घटनेमुळे लाखनी तालुक्यातील लाखोरी गावावर शोककळा पसरली आहे.
Bhandara News
Bhandara Newssaam tv

>> अभिजीत घोरमारे, भंडारा

Bhandara News: धूलिवंदनाच्या दिवशी गावाशेजारील तलावावर पोहायला गेलेल्या 16 वर्षीय विद्यार्थ्यांचा तलावात बुडून मृत्यू झाल्याची घटना भंडारा जिल्ह्यात घडली आहे. चैतन्य राजेश मुटकुरे असे मृत मुलाचे नाव आहे. ऐन सणाच्या दिवशी घडलेल्या या घटनेमुळे लाखनी तालुक्यातील लाखोरी गावावर शोककळा पसरली आहे.

मिळालेल्या माहितीनुसार मृत चैतन्य मुटकुरे हा उज्वल विद्यालयात 10वी वर्गात शिक्षण घेत होता. धूलिवंदन खेळून झाल्यानतंर गावातील चार ते पाच मित्रांसोबत तो गावाजवळ असलेल्या तलावात अंघोळीसाठी गेला होता. चैतन्य हा त्याचा मित्र नमन सुधीर चेटूले आणि इतर चार मित्रांसह पाण्यात उतरला.

Bhandara News
Sangli News: पुष्‍पहार अर्पण करून गॅसला श्रद्धांजली; केंद्र सरकार विरोधात राष्ट्रवादी महिला आघाडीचे बोंबाबोब आंदोलन

परंतु चैतन्यला पाण्याचा अंदाज न आल्याने तो खोल पाण्यात गेला. पोहायला येत नसल्याने आणि पाण्याचा अंदाज न आल्याने चैतन्य हा पाण्यात बुडू लागला. यावेळी त्याच्या सोबत असलेल्या मित्रांनी त्याला वाचवण्याचा प्रयत्न केला. मात्र त्यांना चैतन्यला वाचविण्यात यश आले नाही.

या घटनेची माहिती गावात कळताच लोकांनी तलावाजवळ एकच गर्दी केली. गावकऱ्यांनी चैतन्यचा शोध घेण्याचा प्रयत्न सुरू केला आणि पोलिसांना देखील या घटनेची माहिती दिली. त्यानंतर आपत्ती व्यवस्थापनची टीम घटनास्थळी दाखल झाली आणि मृतहाचा शोध सुरू केला. यानंतर काही तासाच चैतन्यचा मृतदेह बाहेर काढण्यात आला. (Latest Marathi News)

Bhandara News
Maharashtra Unseasonal Rain : अवकाळी पावसामुळे नुकसान झालेल्या शेतकऱ्यांच्या पिकांचे तातडीने पंचनामे करा; CM शिंदेंचे निर्देश

चैतन्य हा सर्वांचा लाड़का असल्याने कुटूंबियांनी एकच हंबरळा फोडला. धूलिवंदनाच्या दिवशीच ही घटना घडल्याने गावावर शोककळा पसरली आहे. दरम्यान चैतन्यचा मृतदेह हा शवविच्छेदनासाठी लाखनी येथे पाठविण्यात आला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com