Bhandara Crime News: सासऱ्याने कुऱ्हाडीने वार करत केली सुनेची हत्या

शुभम देशमुख

भंडारा : सासऱ्यानेच कुऱ्हाडीने वार करत सुनेची हत्या केली. ही खळबळजनक घटना आज (१६ जून) सकाळी १० वाजताच्या सुमारास (Bhandara) भंडारा जिल्ह्यातील रोहना गावात घडली. प्रणाली सतीश ईश्वरकर (वय २४) असे मृत सुनेचे नावं आहे. तर सायाराम ईश्वरकर (वय ५७) असे पोलिसांनी (Police) अटक केलेल्या आरोपी सासऱ्याचे नावं आहे. (Latest Marathi News)

भंडारा जिल्‍ह्यातील रोहना येथील सयाराम ईश्वरकर व मृतक सून प्रणाली ईश्वरकर यांच्यात सकाळी भांडण झाले. भांडण इतके टोकाला गेले की सासऱ्याने घरातील कुऱ्हाड आणुन अंगणात भांडे धुत असलेल्या सुनेच्या (Crime News) मानेवर वार केला. यात प्रणाली ही रक्तबंबाड होउन जागीच कोसळली. अती रक्तस्त्राव झाल्याने तिचा जागीच मृत्यू झाला.

सासरा पोलिसांच्‍या ताब्‍यात

सदरची बातमी गावात वाऱ्यासारखी पसरताच गावकऱ्यांनी एकच गर्दी केली होती. याची माहिती मोहाडी पोलिसांना देण्यात आली असुन पोलिसांनी घटनस्थळी येत पंचनामा केला. तसेच आरोपी सासऱ्याला अटक केली आहे.