Bhandara Accident: देव तारी त्याला कोण मारी! चालताना महिला आली ट्रकच्या चाकाखाली; अन्..., Video व्हायरल

(शुभम देशमुख, भंडारा)

Bhandara Truck Accident Video :

'देव तारी त्याला कोण मारी', अशी म्हण आपण ऐकली असेल, या म्हणीची प्रचिती भंडारा येथील अपघातातून आली. पायी चालणाऱ्या महिलेच्या अंगावरून ट्रक गेल्याची घटना मालवीय नगर चौकात घडलीय. हा ट्रक सिहोऱ्याकडून तुमसरकडे जाणाऱ्या ट्रकने महिलेला चिरडलं. ट्रकचं मागील चाक महिलेच्या अंगावरून गेलं. परंतु सुदैवाने महिलेला काहीच इजा झालेली नाहीये. (Latest News)

मिळालेल्या माहितीनुसार, हा नवा ट्रक सिहोऱ्याकडून तुमसरकडे येत होत्या. मालवीय चौकात एक महिला पायी चालत होती, त्यावेळी या नव्या ट्रकच्या मागील चाकाखाली ही महिला आली. महिलेच्या अंगावर पूर्ण चाक गेल्यानंतरही महिलेला कोणतीच इजा झालेली नाहीये. सुनिता शैलेंद्र जैन वय (५०) वर्षे रा. बोस. नगर तुमसर असं या महिलेचं नाव आहे. दरम्यान या घटनेचा व्हिडिओ सोशल मीडियावर व्हायरल होत आहे. हा अपघाताचा हा व्हिडिओ अंगाचा थरकाप उडवणारा आहे.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ट्रकची महिलेला धडक झाल्याचं समजल्यानंतर ट्रक चालक वाहन घेऊन तेथून पसार झाला. याप्रकरणी अज्ञात ट्रक चालकाविरुद्ध तुमसर पोलिसात गुन्हा दाखल करण्यात आला आहे. वरिष्ठ अधिकारी पोलीस निरीक्षक निलेश ब्राम्हणे यांच्या मार्गदर्शनाखाली पुढील तपास पोलीस उपनिरीक्षक पाटील करीत आहेत.

मिळालेल्या माहितीनुसार, महिला काही कामानिमित्त जात होती. त्यावेळी सिहोऱ्याकडून तुमसरकडे येणाऱ्या ट्रकने त्यांना चिरडलं. रस्त्यावर तुरळक रहदारी होती. महिलेच्या अंगावरुन ट्रक गेल्यानंतर रस्त्यावरून जाणाऱ्या लोकांना आरडा-ओरडा केला. ट्रकचं मागील चाकाखाली महिला आल्याने महिलेला खूप दुखापत झाली असे,असं अनेकांना वाटलं. पण सुदैवाने या सुनिता जैन यांना कोणतीच दुखापत झाली नव्हती.