शुभम देशमुख, प्रतिनिधी
भंडारा शहरातून एक भीषण अपघाताची घटना समोर आली आहे. अनियंत्रित कारने दुचाकीला धडक दिल्याने सैनिकासह तिघांचा जागीच मृत्यू झाल्याची घटना रामटेक महामार्गावरील खुर्शीपार येथे घडली आहे. या दुर्दैवी घटनेने सर्वत्र हळहळ व्यक्त केली जात आहे.
याबाबत सविस्तर माहिती अशी की, अनियंत्रित कारने समोरुन येणाऱ्या दोन दुचाकीस दिलेल्या धड़केत दुचाकीवरील तिघांचा मृत्यू तर दोन गंभीर जखमी झाल्याची घटना भंडारा शहरालगत असलेल्या रामटेक महामार्गावरील खुर्शीपार येथे घडली. मृतांमध्ये एका भारतीय सैन्यातील जवानाचाही समावेश असून सुट्टीनिमित्त तो नुकताच गावी आला होता.
नागेश्वर बालपांडे असे या जवानाचे नाव असून तो सातोना गावचा रहिवासी आहे. काही कामानिमित्त तो भंडाऱ्याकडे गेला होता. यावेळी गावाकडे माघारी येताना त्याच्या गाडीला एका अनियंत्रित कारने जोरदार धडक दिली.
या धडकेत दुचाकीवरील तिघांचा जागीच मृत्यू तर दोन जण गंभीर जखमी झाले. जखमींवर सध्या रुग्णालयात उपचार सुरू आहेत. अपघातातील मृत जवानावर स्वगावी शासकीय इतमामात अंत्यसंस्कार करण्यात आले. या दुर्देवी घटनेने संपूर्ण गावावर शोककळा पसरली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.