Beed Train Accident : बीडच्या परळी शहरानजीक रेल्वे अपघात; मेंढपाळासह 22 मेंढ्या, 2 जनावरं जागीच ठार

बीडमधील मलकापूर येथे भरधाव वेगातील मालवाहू रेल्वेच्या धडकेत एका मेंढपाळासह 22 मेंढ्या आणि 2 जनावरं जागीच ठार झाली आहेत. ही दुर्दैवी घटना बीडच्या परळी शहरापासून जवळच असलेल्या मलकापूर शिवारात घडलीय. मुंजा ढोणे असं मयत मेंढपाळाचं नाव आहे.

घटनास्थळावरून मिळालेल्या माहितीनुसार, परळी शहरातील धनगर गल्ली भागातील मेंढपाळ, मधुकर सरवदे व मुंजा ढोणे या दोघांनी आज मेंढ्या चारण्यासाठी सोडल्या होत्या. यावेळी रेल्वे पटरीवरू मेंढ्या जात होत्या. यावेळी परळी-हैद्राबाद रेल्वे पटरीच्या कडेने जात असताना मलकापूर शिवारानजीक अचानक समोरून मालगाडी आली.

मात्र दोन्ही बाजूंनी डोंगर असल्यामुळे बचावासाठी वेळचं मिळाला नाही. क्षणार्धात मालगाडीने 22 मेंढ्या आणि दोन जनावरांना चिरडलं. मेंढपाळ मुंजा ढोणे यांचा देखील या दुर्घटनेत मृत्यू झाला आहे. तर मधुकर सरवदे मात्र यातून बचावले आहे. दरम्यान या दुर्दैवी घटनेने परिसरात हळहळ व्यक्त होत आहे.