बीडमध्ये एका तरुणाने संस्थाचालकाच्या त्रासाला कंटाळून आत्महत्या केली. परळी तालुक्यातील दागौळ येथे ही घटना घडली. या तरुणाने राहत्या घरी गळफास घेऊन आयुष्य संपवले. या घटनेमुळे बीडमध्ये खळबळ उडाली. या प्रकरणाचा अधिक तपास परळी पोलिस करत आहेत.
मिळलेल्या माहितीनुसार, परळी तालुक्यातील नंदागौळ येथील रहिवासी असलेल्या एका २५ वर्षीय तरुणाने आत्महत्या केल्याची घटना घडली.अनुकंपा तत्त्वावर सेवेत असणाऱ्या या तरुणाला पूर्वी कार्यरत असणाऱ्या केज येथील शैक्षणिक संस्था चालकाने त्रास दिला होता अशी चर्चा नागरिकांतून होत आहे. संस्था चालकाच्या त्रासाला कंटाळून परळी तालुक्यातील नंदागौळ येथील रहिवासी श्रीनाथ गोविंद कराडने (२५ वर्षे) त्याच्या राहत्या घरी गळफास घेऊन आत्महत्या केली.
श्रीनाथ सध्या आश्रम शाळा, वसंत नगर येथील प्राथमिक शाळेत अनुकंपा तत्त्वावर सेवक म्हणून एक महिन्यापूर्वीच सेवेत रुजू झाला होता. यापूर्वी तो केज येथील एका निवासी शाळेत चतुर्थश्रेणी कर्मचारी म्हणून काम करत होता. परंतू त्या ठिकाणी १२ वर्षे झाले तरी त्याला संस्थाचालकांनी कायमस्वरूपी करून घेतले नव्हते . यामुळे तो आर्थिक आणि मानसिक त्रासात असल्याचे बोलले जात होते.
केज येथील याच संस्थेत त्याच्या वडिलांनीही शिक्षक म्हणून अनेक वर्षे सेवा दिल्याचे समजते. दरम्यान एक महिन्यापूर्वी तो परळी तालुक्यातील वसंत नगर येथील प्राथमिक आश्रम शाळेत सेवक म्हणून लागला होता. काल त्याने नंदाघोळ येथे आपल्या राहत्या घरी आत्महत्या केली. या घटनेचा पुढील तपास परळी ग्रामीण पोलिस करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.