Beed Politics : बीडच्या राजकारणात बाहुबलीचा खेळ! फडणवीस बाहुबली, तर पंकजा शिवगामी, बीडचा कटप्पा कोण?

Beed Politics :गेल्या काही दिवसांपासून खून, घोटाळ्यानं बीड जिल्हा राज्याच्याच नाही तर देशाच्या नकाशावर आलाय. त्यातच आता दमानियांनी मंत्री धनंजय मुंडेंविरोधात आरोपांची मालिका सुरू केली. त्यानंतर बीडच्या राजकारणात बाहुबलीचा खेळ सुरु झालायं. या खेळात बाहुबली आणि शिवगामी तर ठरले. मात्र आता सर्वांना उत्सुकता लागलीय ती बीडच्या कटप्पाची आणि हाच प्रश्न ज्यांनी बीडमध्ये बाहुबलीचा खेळ सुरू केला त्या सुरेश धस यांना विचारला तेव्हा ते काय म्हणाले ते पाहा.

त्यामुळे बीडचा कटप्पा कोण? आणि भल्लालदेव कोण हे शोधावं लागणार आहे. बीडमध्ये जे राजकारण सुरूए त्यावरुन बरीच टीका होतेय. एकीकडे राजकारणीच एकमेकांना मदत करत आहेत, असा आरोप होत असताना आका नंतर बीडच्या गुन्हेपटावर कटप्पाची एन्ट्री झालीये. आका असो वा कटप्पा त्याला बाहुबली शिक्षा देणार का आणि महेश्मतीरुपी बीड पुन्हा गुंडाराजमुक्त होणार का हेच पाहायचं..