Beed News: १० सोनोग्राफी सेंटर बंदच्या नोटिसा; जिल्हा शल्य चिकित्सक ॲक्‍शन मोडमध्ये..

बीड : शासकीय सेवेत असतानाही रेडिओलॉजिस्ट म्हणून स्वतः व नातेवाइकांच्या नावाने असलेल्या सोनोग्राफी व डायग्नोस्टिक (Beed News) सेंटर येथे सेवा सुरू आहे. अशी सेवा देणाऱ्या १० डॉक्टरांना (Doctor) नोटीस बजावण्यात आल्या आहेत. (Tajya Batmya)

आरोग्य आयुक्त तुकाराम मुंढे (Tukaram Mundhe) यांनी शासकीय सेवेत असताना खाजगी रुग्णालयात सेवा देऊ नये. खाजगी रुग्णालय सुरू करू नये. अशा सूचना केल्या होत्या. यानंतर आता (Beed) बीडमध्ये जिल्हा शल्य चिकित्सक डॉ. सुरेश साबळे ॲक्शन मोडमध्ये आले आहेत.

सहा दिवसानंतरही खुलासा नाही

सोनोग्राफी सेंटर बंद का करण्यात येऊ नये? यासाठी 48 तासांत खुलासा मागविला आहे. मात्र याला सहा दिवस उलटूनही एकानेही खुलासा दिलेला नाही. त्यामुळे याची माहिती आता आयुक्त तुकाराम मुंढे यांच्यापर्यंत डॉ. साबळे यांनी दिली आहे. यामुळे आता हे सोनोग्राफी सेंटर बंद करण्याची हालचाली आरोग्य विभागाच्यावतीने सुरू आहेत.