Beed : सरपंच पतीकडून मनमानी कारभार; ३५ लाखांच्या भ्रष्ट्राचाराचा आरोप, ग्रामपंचायतीसमोर उपोषण

Beed News : ग्रामपंचायतींच्या विकास कामासाठी १५ वित्त आयोगाचा निधी थेट दिला जात असतो. तर ग्रामपंचातीवर महिला सरपंच असल्यास त्यांच्या पतीकडूनच ग्रामपंचायतींचा कारभार चालविला जात असतो
Beed News
Beed NewsSaam tv
Published On

योगेश काशीद 

बीड : ग्रामपंचातीला मोठ्या प्रमाणात निधी मिळत असतो. मात्र या निधीमध्ये अपहार करून भ्रष्ट्राचार करण्यात आल्याचा आरोप सरपंच पतीवर करण्यात आला आहे. बीड जिल्ह्यातील आरणविहीरा तागडखेल ग्रामपंचायत येथील हा प्रकार असून सरपंच पतीचा मनमानी कारभाराच्या विरोधात गावातील सामाजिक कार्यकर्ते उध्दव कारभारी शिरसाठ यांनी ग्रामपंचायत समोर बेमुदत उपोषण सुरू केले आहे. 

ग्रामपंचायतींच्या विकास कामासाठी १५ वित्त आयोगाचा निधी थेट दिला जात असतो. तर ग्रामपंचातीवर महिला सरपंच असल्यास त्यांच्या पतीकडूनच ग्रामपंचायतींचा कारभार चालविला जात असतो. यामध्ये मोठ्या प्रमाणात भ्रष्ट्राचार केला जात असल्याचे देखील समोर आले आहे. अशाच प्रकारे बीडच्या आष्टी तालुक्यातील अरविहीरा तागडखेड येथील सरपंच पती यांनी मनमानी कारभार केला जात असल्याचा आरोप करण्यात येत आहे. 

Beed News
Unseasonal Rain : बेमोसमी पावसाचा कांद्याला फटका; वादळी वाऱ्यासह जोरदार पावसाने नुकसान

काम न करता बिले काढल्याचा आरोप 

अरविहीरा तागडखेड ग्रामपंचायतमध्ये असलेल्या सरपंच पतीने विकास कामांच्या निधीत भ्रष्ट्राचार केल्याचा आरोप करण्यात आला आहे. गावातील योजनेचे काम न करताच बिले उचलून घेतले आहे. यामध्ये ग्रामपंचायत १५ वित्त आयोग, पवनचक्की फंड, सौरउर्जा फंडातूनाची अफरातफर करत सुमारे ३५ लाख रुपयांचा भ्रष्ट्राचार करण्यात आल्याचा आरोप करण्यात आला आहे. 

Beed News
Kalyan : मुख्यमंत्री जनतेला एप्रिल फुल बनवण्याचं काम करताय; ठाकरे गटाचे जिल्हा प्रमुख दीपेश म्हात्रेंचा आरोप

कामांची चौकशीची मागणी 
दरम्यान सदर बिलांची चौकशी करून कामे तात्काळ करावी; आशी मागणी सामाजिक कार्यकर्ते उध्दव कारभारी शिरसाठ यांनी केली आहे. तसेच याबाबत वेळोवेळी माहितीचा अधिकार देऊन सुध्दा चार ते पाच महिन्यापासून माहिती मिळत नाही. जवळपास आठ ते दहा विविध कामांची चौकशी व्हावी. तसेच तात्काळ सर्व कामे करावेत; या मागणीसाठी सामाजिक कार्यकर्ते उध्दव शिरसाठ व ग्रामस्थांनी बेमुदत उपोषण सुरू केले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com