![Majalgaon Rain](http://media.assettype.com/saamtv%2F2024-06%2F4451200b-c136-4ba5-bb84-6fd778d35496%2FSaam_TV___2024_06_03T163026_406.jpg?rect=0%2C0%2C1200%2C675&w=480&auto=format%2Ccompress&fit=max)
बीड : राज्यात मान्सूनचे आगमन झाले झाले असून काही भागात मुसळधार पाऊस होत आहे. यात बीडच्या माजलगाव तालुक्यातील काही भागात जोरदार पाऊस झाला. यामुळं माजलगावच्या कोथाळा गावातून वाहणारी सरस्वती नदी दुथडी भरून वाहू लागली आहे.
राज्यात मान्सून दाखल झाला असून राज्यातील पुणे, मुंबई, अकोला, बीडसह अन्य काही भागात जोरदार पाऊस होत आहे. तर काही भागात अजून देखील पावसाची प्रतीक्षा आहे. दरम्यान बीड जिल्ह्यात दोन दिवसांपासून पाऊस होत आहे. यात (Beed) बीडच्या माजलगाव तालुक्यात शनिवारी सायंकाळी जोरदार (Rain) पाऊस झाला. या पहिल्याच पावसामुळे अनेक ठिकाणी ओढे देखील वाहू लागले आहेत. तर दुसरीकडे शेतामध्ये देखील पाणीच पाणी साचल्याचे पाहायला मिळत आहे.
पेरण्यासाठी लगबग
बीड जिल्ह्यातील अनेक भागात मध्यरात्री पावसाने चांगलीच दमदार हजेरी लावली. मान्सूनच्या अनुषंगाने शेतकऱ्यांनी (Farmer) शेतीची मशागतीचे काम पूर्ण केली आहेत. दमदार पावसानंतर पेरण्याचा कामाला वेग येणार आहे. दरम्यान मध्यरात्रीच्या सुमारास चांगला पाऊस झाल्याने शेतकऱ्यांच्या आशा पल्लवित झाल्या असून पेरण्या लवकर होतील, असा अंदाज शेतकऱ्यांनी व्यक्त केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.