Beed Police : बीडमध्ये चोरीच्या घटना दिवसेंदिवस वाढत चालल्या आहेत. अशीच एक घटना बीडच्या नेकनुर पोलिस ठाण्याच्या हद्दीत घडली आहे. तीन महिलांनी अतिशय शिताफिने बसमध्ये चढणाऱ्या प्रवासी महिलेच्या बॅगेतले 50 हजार रुपये चोरल्याची घटना समोर आली आहे. या घटनेचा सीसीटीव्ही व्हिडिओ समोर आला आहे. या घटनेमुळे एकच खळबळ उडाली आहे.
मिळालेल्या माहितीनुसार, बीडच्या नेकनुर पोलिस ठाण्याच्या हद्दीत चोरट्यांचा धुमाकूळ सुरुच आहे. पुन्हा एक चोरीची घटना समोर आली आहे. बीडच्या चौसाळा बस स्थानकातून एलआयसीचे पैसे भरण्यासाठी निघालेल्या प्रवासी महिलेचे 50 हजार रुपये चोरीला गेल्याची घटना घडली आहे. ही चोरीची घटना बसस्थानकावर लावलेल्या सीसीटीव्हीत कैद झाली आहे.
चोरीचा हा व्हिडिओ सध्या सोशल मीडियावर व्हायरल होत आहे. व्हायरल होणाऱ्या व्हिडिओमध्ये दिसत आहे की, चौसाळा बसस्थानकावर एक एसटी आली आहे. या एसटीमध्ये चढण्यासाठी प्रवासी मोठी गर्दी करतात. या गर्दीचा फायदा घेत तीन महिला चोरी करतात. अतिशय शिताफीने आधी बसमध्ये चढण्याचे नाटक करतात. नंतर त्या एका महिलेच्या बॅगेतले 50 हजार रुपये चोरतात. सर्व प्रवासी बसमध्ये चढल्यानंतर या तीन महिला पळ काढतात.
या चोरीच्या घटेनमुळे पोलिसांच्या कार्यक्षमतेवर प्रश्नचिन्ह उपस्थित केले जात आहे. दरम्यान तात्काळ चोरट्यांचा बंदोबस्त करावा, अशी मागणी सामान्य नागरिकांमधून होत आहे. मागील आठ दिवसांत नेकनुर पोलिस ठाण्याच्या हद्दीत 6 चोरीच्या घटना घडल्या आहेत. त्यामुळे नागरिकांमध्ये भीतीचे वातावरण आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
