Beed : 41 टक्के पगारवाढ म्हणत सरकारने केली दिशाभूल! कर्मचाऱ्यांचा आरोप

बीड : सरकार आणि शासनाकडून 41 टक्के पगार वाढ म्हणत, आम्हा कर्मचाऱ्यांची दिशाभूल करण्यात आलीय. असं म्हणत बीडमध्ये 34 व्या दिवशी देखील एसटी कर्मचारी आक्रमक झाल्याचे पाहायला मिळाले.

हे देखील पहा :

एसटी कर्मचाऱ्यांचे राज्य शासनात विलीनीकरण करा, ही प्रमुख मागणी घेऊन गेल्या 34 दिवसांपासून, बीड जिल्ह्यातील आठही डेपो मधील कर्मचाऱ्यांनी संप पुकारला आहे. दरम्यान आज बीड आगारातील कर्मचारी आक्रमक झाले होते. त्यांनी 41 टक्के पगारवाढ कशी ? असा सवाल करत पोस्टारबाजी करून सरकारचा निषेध केलाय.

यावेळी एसटी कर्मचाऱ्यांच्या कुटुंबासह घरातील लहान मुलं देखील आंदोलनात सहभागी झाली होती. "जोपर्यंत आमचं शासनात विलनिकरण होत नाही तोपर्यंत आम्ही माघार घेणार नाही". अशी भूमिका बीडमधील एसटी कर्मचाऱ्यांनी घेतलीय.

Edited By : Krushnarav Sathe