Beed Crime : सतीश भोसलेने ढाकणे बापलेकांना मारहाण का केली? गावकऱ्यांनी सांगितला घटनाक्रम

Beed News : सतीश भोसले याने दिलीप ढाकणे आणि महेश ढाकणे या बापलेकाला मारहाण केली होती. भोसले यांनी त्यांना मारहाण का केली? याची माहिती गावकऱ्यांनी दिली आहे. त्यांनी भोसलेसह धस यांच्यावरही कारवाई व्हावी अशी मागणी केली आहे.
Beed Crime Satish Bhosale
Beed Crime Satish BhosaleSaam Tv
Published On

योगेश काशिद, साम टीव्ही, प्रतिनिधी

Beed Crime News : बीडमध्ये सतीश भोसले याने ढाकणे बापलेकाला मारहाण केली. मारहाणीचे व्हिडीओ व्हायरल झाल्यानंतर हे प्रकरण उघडकीस आले. यावरुन सतीश भोसलेवर कारवाई व्हावी अशी मागणी व्हायला सुरुवात झाली. अशातच भोसलेच्या विरोधात गुन्हा दाखल करण्यात आल्याची माहिती समोर आली आहे. या प्रकरणावर बावी गावच्या ग्रामस्थांनी प्रतिक्रिया दिली आहे.

बावी गावात हा मारहाणीचा प्रकार घडला. या गावच्या ग्रामस्थांनी मारहाणीवरुन संताप व्यक्त केला आहे. ग्रामस्थांनी मारहाण का झाली याबाबत माहिती दिली आहे. सतीश भोसलेवर गुन्हा दाखल झाला, आता त्याचा आका सुरेश धस यांच्यावरही कारवाई करा अशी मागणी ग्रामस्थांनी केली आहे. दरम्यान हा मारहाणीचा प्रकार कोणत्या कारणांमुळे झाला हे ग्रामस्थांनी सांगितले.

Beed Crime Satish Bhosale
Beed Crime : सुरेश धस सतीश भोसलेचा आका, मारहाण प्रकरणात धसांवरही गुन्हा दाखल करा, ग्रामस्थांची मागणी

'सतीश भोसले हा दिलीप ढाकणे यांच्या शेतामध्ये हरण पकडण्यासाठी आला होता. १९ फेब्रुवारी रोजी ही घटना घडली होती. दिलीप ढाकणे यांनी सतीश भोसले आणि त्याच्या सहकार्यांना हरण पकडण्यास मनाई केली. यावरुन भोसले आणि सहकाऱ्यांनी दिलीप यांना बेदम मारहणा केली. यात दिलीप यांचे आठ ते नऊ दात पडले', अशी माहिती ग्रामस्थांनी दिली.

Beed Crime Satish Bhosale
Suresh Dhas : सतीश भोसलेला मी ओळखतो, पण तो पाठीमागे...; सुरेश धस 'खोक्या'बाबत स्पष्टच बोलले

'त्यानंतर महेश ढाकणे यालाही सतीश भोसलेने बॅटने बेदम मारहाण केली. यात त्याचा पाय फ्रॅक्चर झाला. पोलीस अधीक्षक कार्यालयात गेले असता त्यांना तिथून हाकलून दिले. या घटनेला पंधरा दिवस झाले मात्र गुन्हा दाखल झाला नव्हता. ज्या वेळेस सोशल माध्यमांवर व्हिडीओ व्हायरल झाला तेव्हा पोलिसांनी याची दखल घेतली', असे बावी गावच्या ग्रामस्थांनी म्हटले आहे.

Beed Crime Satish Bhosale
Beed News: 'माझे हात-पाय तोडा, पण माझ्या लेकरांसाठी जिवंत सोडा', संतोष देशमुख करत होते विनवणी पण..

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com