Beed Crime News Today: राज्यात गेल्या काही दिवसांत गुन्हेगारीच्या घटनांमध्ये मोठी वाढ झाल्याचे पाहायला मिळत आहे. अनैतिक संबंध, कौटुंबिक कलह, महिलांवरील अत्याचार, आर्थिक फसवणूक यातून हत्या आणि आत्महत्येच्या घटना सातत्याने समोर येत आहेत. त्यातच आता बीडच्या आडस येथून आणखी एक धक्कादायक बातमी समोर आली आहे. आपल्या भावाच्या मदतीने पत्नीने पतीचा खून केला आहे. या घटनेने परिसरात मोठी खळबळ उडाली आहे. (Latest Marathi News)
नेमकं प्रकरण काय?
आपल्या भावाच्या मदतीने पत्नीने पतीचा खून केल्याची धक्कादायक घटना बीडच्या केज तालुक्यातील आडस गावात घडली आहे. पती दारु पिऊन दररोज त्रास देत असल्याने पती आणि पत्नीमध्ये रोज वाद होत होते. (Beed Crime)
त्यामुळे पत्नीने भावाच्या मदतीने नवऱ्याचा काटा काढला. विकास अस खून करण्यात आलेल्या व्यक्तीचे नाव आहे. मयत हा एका शेतात सालगडी म्हणून काम करत होता. तर याप्रकरणी मयताच्या आईच्या तक्रारीवरून, बीडच्या (Beed) धारूर पोलीस ठाण्यात तक्रार दाखल करण्यात आली आहे.
पत्नी आणि तिचा भाऊ या दोघांविरोधात कलम 302, 504, 34 भा.द.वी. नुसार गुन्हा दाखल करण्यात आला आहे. दोन्ही संशयित आरोपींना पोलिसांनी ताब्यात घेतले आहे. गळा आवळल्याने विकासचा मृत्यू झाल्याचा अहवाल असल्याचे फिर्यादीत नमूद आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.