
बीडच्या दगडवाडी येथे मेंढपाळ तरुणाची निघृण हत्या.
दीपक बिल्ला (मध्य प्रदेश निवासी) हा मृत तरुण.
हत्येमागील कारण अजूनही अस्पष्ट, पोलीस तपास सुरू.
सलग दोन हत्यांच्या घटनांमुळे बीडमध्ये भीतीचे वातावरण.
बीडमध्ये गुन्हेगारी घटनांमध्ये वाढ होत असल्याचं चित्र आहे. अशातच बीडच्या एका घटनेमुळे परिसरात खळबळ उडाली आहे. मेंढपाळ तरूणाच्या हत्येमुळे बीड हादरलं आहे. दगडवाडी येथे पहाटेच्या सुमारास एका मेंढपाळ तरुणाची निघृणपणे हत्या करण्यात आली. हत्येमागील कारण अद्याप समोर आलेले नाही. सध्या पोलिसांकडून अधिक तपास सुरू आहे.
दीपक बिल्ला असे मृत तरूणाचे नाव आहे. तो मध्य प्रदेशातील रहिवासी असल्याची माहिती आहे. प्राथमिक माहितीनुसार, तो उदरनिर्वाहसाठी मागील काही दिवसांपूर्वी बीडमध्ये आला होता. शिरूर तालुक्यातील दगडवाडी परिसरात त्याचे वास्तव्य होते. उदरनिर्वाह करून बीडमध्ये पोट भरत होता.
आज पहाटे अज्ञात आरोपींनी दीपकची हत्या केली. दोन दिवसांपूर्वीच या तरूणाची हत्या केली असल्याचं समोर आलं आहे. या घटनेची माहिती पोलिसांना मिळताच त्यांनी घटनास्थळी धाव घेतली. तसेच तपासाला सुरूवात केली. अज्ञात आरोपींनी तरूणाची हत्या का केली? हत्यामागील कारण काय? याचा तपास सुरू आहे.
दोन दिवसांपूर्वीच बीडमध्ये एका तरुणाची हत्या झाली होती. ही घटना ताजी असतानाच आज पुन्हा एकदा मेंढपाळ तरुणाच्या हत्येने बीड हदरले आहे. सध्या पोलिसांकडून अधिक तपास सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.