Council Elections: बीड जिल्ह्यात मुंडे- बहीण भावांची प्रतिष्ठा पणाला

5 नगरपंचायतमधील 85 जागांसाठी काही वेळात मतमोजणीला सुरुवात..

बीड : बीड जिल्ह्यात नगर पंचायत निवडणुकीमध्ये मंत्री धनंजय मुंडे आणि भाजप नेत्या पंकजा मुंडे यांची प्रतिष्ठा पणाला लागलीय. जिल्ह्यात 5 नगरपंचायतीची निवडणूक होत आहे. यामध्ये वडवणी, केज, आष्टी, पाटोदा, शिरूर कासार नगरपंचायतीचा समावेश असून 85 जागांसाठी ही निवडणूक होत आहे. (Beed Nagar Panchayat Elections Update News)

काही वेळात मतमोजणीला (Counting of Votes) सुरूवात होत आहे. तर कोणताही अनुचित प्रकार घडू नये. यासाठी पोलिसांचा तगडा बंदोबस्त तैनात करण्यात आलाय. दरम्यान जिल्ह्यात मुंडे - बहीण भावाची प्रतिष्ठा पणाला लागली आहे. तर आष्टी,पाटोदा, शिरूर कासारमध्ये भाजप आमदार सुरेश धस आणि राष्ट्रवादीचे आमदार बाळासाहेब अजबे यांची प्रतिष्ठा पणाला लागली आहे.

त्याचबरोबर केजमध्ये काँग्रेस (Congress) खासदार रंजनीताई पाटील यांची प्रतिष्ठा पणाला लागलीय. राष्ट्रवादीचे (NCP) जिल्हाध्यक्ष बजरंग सोनवणे यांनी पहिल्यांदाच आपल्या मुलीला निवडणूक रिंगणात उतरवलं असून धनंजय मुंडेंच्या माध्यमातून मोठी ताकद लावली आहे. त्यामुळं गुलाल कुणाचा ? याकडं सर्वांचं लक्ष लागलंय.