सावधान ! फास्ट टॅग वरुनही सायबर चोरटे उकळत आहेत पैसे

अश्विनी जाधव केदारी

पुणे : फास्ट टॅग वरून पैसे उकळण्याचा सायबर चोरट्यांचा धक्कादायक प्रकार आता उघडकीस येऊ लागला आहे. केंद्र सरकारच्या आदेशानुसार देशातील सर्व टोल नाक्यावर फास्ट टॅग बंधनकारक केल्यानंतर आता सायबर चोरट्यांनी यावर नजर वळवली असून, गाडी घरात अन तरीही गाडी टोलनाका क्रॉस केल्याची एन्ट्री आणि पैसे कट होत असल्याचा धक्कादायक प्रकार समोर आला आहे.Be careful! Cyber thieves are also making money from fast tags

हे देखील पहा -

तर काही प्रकरणात फास्टटॅगला रिचार्ज करून देतो, असे म्हणत चोरटे गोपनीय माहिती घेऊन पैसे उकळत आहेत. याबाबत पुणे पोलिसांकडे तक्रारी आल्या आहेत. तसेच सायबर पोलीस ठाण्यात एकूण 9 तक्रारी आल्या आहेत. त्यानुसार सायबर पोलिसांनी तपास सुरू केला आहे. आतापर्यंत पुणे पोलिसांच्या सायबर शाखेकडे पुण्यातून 9 तक्रारी आल्या आहेत. यात 6 तक्रारी या टोलनका क्रॉस केलेला नसताना आणि गाड्या घरी असूनही पैसे कट झाले आहेत अश्या स्वरूपाच्या आहेत.

सर्वाधिक पैसे कट झाल्याची एक तक्रार दीड हजाराची आहे. तर एक तक्रार 79 रुपये कट झाल्याची आहे. तसेच तीन तक्रारी या सायबर चोरट्यांनी फास्ट टॅग धारक वाहन चालकाना फोनकरून तुमचा फास्ट टॅगचा रिचार्ज करून देतो, असे सांगत त्यांच्या खात्याची गोपनीय माहिती मिळवली आहे. त्यामाध्यमातून त्यांच्या खात्यातून पैसे गायब केले आहेत.

Edited By : Krushnarav Sathe