धोतराच्या पायघड्या.. संत तुकाराम महाराज पालखीचे काटेवाडीत स्वागत

बारामती : जगदगुरु संत श्रेष्ठ तुकाराम महाराज पालखी सोहळा आज बारा वाजता बारामती तालुक्यातील काटेवाडीत दाखल झाला. यावेळी काटेवाडीकरांनी संत तुकाराम महाराज पालखीचे (Ashadhi Wari) उत्साहात स्वागत केले. (baramati aashadhi wari Welcome to Sant Tukaram Maharaj Palkhi at Katewadi)

संत तुकाराम महाराजांचा पालखी सोहळा बारामती (Baramati) तालुक्यातील काटेवाडी गावात दाखल झाल्यानंतर परिट समाजाकडून धोतराच्या पायघड्या घालून स्वागत करण्याची पद्धत आहे. गेल्या अनेक वर्षांपासून ही प्रथा चालत आली आहे. संत गाडगे महाराजांच्या शिकवणुकीतून ही परंपरा सुरू झाल्याचे सांगितले जाते.

काटेवाडी गावाच्या स्वागत कमानीजवळ आल्यानंतर पालखी खांद्यावर घेण्यात येते. त्यावेळी ग्रामस्थ पायघड्या घालून पालखीचे स्वागत केले. फाट्यावरून पालखी सुमारे दोन किलोमीटरवरील मुक्काम तळापर्यंत पालखी खांद्यावरूनच नेण्यात येते. यावेळी ग्रामस्थ रस्त्याच्या दुतर्फा पायघड्या घालतात. हा सोहळा पाहण्यासाठी भाविक मोठी गर्दी करतात.