Baramati APMC Election Result: बारामतीत फक्त राष्ट्रवादी पुन्हा! १८ पैकी १८ जागांवर दणदणीत विजय; भाजपचा उडवला धुव्वा

Baramati Market Committee Election Results: राज्यातील 147 कृषी उत्पन्न बाजार समितींसाठी (APMC Result) शुक्रवारी मतदान पार पडले. यापैकी 37 बाजार समित्यांची मतमोजणी शुक्रवारीच पार पडली. यापैकी काही बाजार समित्यांचे निकाल आज (शनिवारी) जाहीर होत आहेत. यामध्ये बारामती कृषी उत्पन्न बाजार समिती निवडणुकीत भाजपचा सुफडा साफ करत राष्ट्रवादीने (NCP) दणदणीत विजय मिळवला आहे. (Latest Marathi News)

आज बाजार समित्यांचे निकाल जाहीर होत आहेत. ही निवडणूक महाविकास आघाडी (Mahavikas Aaghadi) विरूद्ध भाजप अशीच होती. यामध्ये बारामती बाजार समितीचे निकाल समोर आले असून राष्ट्रवादी कॉंग्रेस पक्षाने एकहाती विजय मिळवत गुलाल उधळला आहे. या निवडणुकीत राष्ट्रवादीचे १८ पैकी १८ उमेदवार निवडून आणत भाजपचा सुपडा साफ केला आहे.

निवडणूकीत १७ जागांसाठी ३४ उमेदवार रिंगणात राहिले होते. राष्ट्रवादी पुरस्कृत रयत पॅनलचे 17 उमेदवार तर भाजप (BJP) पुरस्कृत शेतकरी विकास पॅनलचे 16 उमेदवारांमध्ये लढत होती. तर एक अपक्ष उमेदवार निवडणुकीच्या रिंगणात होता.

धनंजय मुंडेंचा पंकजा मुंडेंना धक्का...

दरम्यान, बाजार समितीच्या निवडणूकीत बीडमध्येही महाविकास आघाडीचे वर्चस्व पाहायला मिळाले आहे. आंबाजोगाई बाजार समितीच्या निवडणुकीमध्ये एकूण आठरा जागांपैकी तब्बल 15 जागांवर मविआनं बाजी मारली आहे. तर  तीन जागांवर भाजपचा विजय झाला आहे. ही निवडणूक मविआच्या पॅनलने धनंजय मुंडे यांच्या नेतृत्वाखाली लढवली होती.