Loksabha Election 2023: ... तर लोकसभेला मविआच्या ४० जागा निवडून येतील; काँग्रेसच्या बड्या नेत्याचे वक्तव्य

सचिन बनसोडे

Balasaheb Thorat on Loksabha Election 2023: निळवंडे धरणाच्या कालव्यातून आलेले पाणी संगमनेर तालुक्यातील निळवंडे गावात पोहचल्यानंतर काँग्रेस नेते बाळासाहेब थोरात यांनी सपत्नीक पाण्याचे जलपूजन केले. निळवंडे धरण आणि कॅनॉलसाठी थोरात यांनी केलेल्या कार्याबद्दल तालुक्यातील जनतेच्या वतीने त्यांचा सत्कार करण्यात आला. (Latest Marathi News)

यावेळी बाळासाहेब थोरात यांनी महाविकास आघाडीचाच विजय होईल, असं म्हटलं आहे. ज्यांची जिथे क्षमता जास्त आहे ते तिकीट त्या-त्या पक्षाला दिले तर लोकसभेला मविआच्या ४० जागा निवडून येतील. शरद पवार यांनी सांगितल्या प्रमाणे आम्हाला तशी काळजी घ्यावी लागेल.जनता आमच्या पाठीशी असून सध्याच्या कारभाराला वैतागली आहे. त्यामुळे विजय हा महाविकास आघाडीचाच होईल, असा दावा बाळासाहेब थोरात (Balashaheb Thorat) यांनी केला आहे.

यावेळी बाळासाहेब थोरात यांनी नगर दक्षिण लोकसभा मतदारसंघाच्या उमेदवारीवरही आपली प्रतिक्रिया दिली आहे. ही जागा बाळासाहेब थोरात यांनी लढवावी अशी कार्यकर्त्यांची इच्छा आहे. त्यावर लोक आग्रह करताय पण मी तसा विचार केलेला नाही. आपलं घर चांगलं सांभाळाचं आणि बाहेर मदत करायची. दुसरीकडे नवे काही करण्याची मला सवय नाही. राजकारणात व्यक्तिगत वैर मी ठेवत नाही. मात्र पक्षाकडून एखादी जबाबदारी आली तर ती कार्यकर्त्यांना पाळावी लागते असं बाळासाहेब थोरात म्हणाले.