ठाणे (बदलापूर) : बदलापुरातील एका खासगी शाळेत शिक्षकानेच सातवीच्या विद्यार्थिनीचा वारंवार विनयभंग केल्याचा प्रकार समोर आलाय. या प्रकरणी बदलापूर पोलीस ठाण्यात पोक्सो अंतर्गत गुन्हा दाखल करून शिक्षकाला पोलिसांनी अटक केली. हे प्रकरण संवेदनशील असल्याने महाराष्ट्र बालहक्क संरक्षण आयोगाच्या सदस्य नीलिमा चव्हाण आणि महिला बालकल्याण समितीच्या अधिकाऱ्यांनी आज शाळेला भेट देत सर्व घटनेची चौकशी केली.
शाळेचे मुख्याध्यापक, ट्रस्टी यांची त्यांनी चौकशी केली. यावेळी शाळेच्या परवानगी संदर्भात कागदपत्र तपासणी केली असता धक्कादायक बाब समोर आली. ज्या शाळेत सातवीच्या विद्यार्थिनीचा विनयभंग झाला त्या शाळेच्या वर्गांना शिक्षण विभागाची परवानगी न घेता ते अनधिकृतपणे चालवले जात असल्याचं वास्तव समोर आलंय. शाळेला फक्त पहिलीपर्यंत शिक्षण विभागाची मान्यता असल्याचं महाराष्ट्र बालहक्क संरक्षण आयोग सदस्य नीलिमा चव्हाण यांनी सांगितलंय.
नेमकं प्रकरण काय?
बदलापूरमधील एका खासगी शाळेमध्ये विद्यार्थीनीसोबत ३ वर्ष विनयभंग करत होता, अशी तक्रार पीडितेच्या आईने पोलिसांकडे नोंदवली होती. या प्रकरणी पोलिसांनी आरोपी शिक्षकाला ताब्यात घेतलं आहे. आरोपी शिक्षक पीडित मुलीला तिच्या आईवरुन अश्लील टिप्पणी करत होता. पीडित मुलगी मानसिक तणावाखाली असल्याने ती अचानक आजारी पडली, रुग्ण्यालयात घेऊ गेले असता, हा घडलेला सर्व प्रकार समोर आला होता.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.