मनसे अध्यक्ष राज ठाकरे आज पुण्यातील भारत इतिहास संशोधन संस्थेत आले होते. यावेळी मनसेचे ज्येष्ठ नेते बाळा नांदगावकर यांनी बाबरी मशीद उद्ध्वस्त झाल्यावर तेथून आणलेली वीट राज ठाकरेंनी संशोधन संस्थेला दिली आहे. ही वीट बाळा नांदगावकर यांनी राज ठाकरे यांना भेट दिली होती. वीटेवर अभ्यास करणं गरजेचं आहे, म्हणत राज ठाकरेंनी ही वीट आता संस्थेला दिली आहे.
बाबरी उद्ध्वस्त झाल्यानंतर बाळा नांदगावकर यांनी आणलेली वीट राज ठाकरेंनी भारत इतिहास संशोधन संस्थेला दिली आहे. यावेळी उपस्थितांना संबोधित करताना ते म्हणाले की, बाबरी पडली त्यावेळी बाळा नांदगावकर तिकडे होते. त्यावेळी त्यांनी दोन वीटा आणल्या. त्यातील एक या मंडळाला दिली आहे. या वीटा पाहा, बाबरी पडली ती काही अशीच नाही पडली. त्यावेळी बांधकामासाठी टेंडर काढत नव्हते, या वीटेवर अभ्यास करणं गरजेचं आहे. त्यासाठी संस्थेला देत आहोत, असं राज ठाकरे म्हणाले.
भारत संशोधक मंडळात येण्याची ही माझी पहिलीच वेळ आहे. त्याला कारण पण तसे आहे. महाराष्ट्राकडे इतिहास आहे, बाकी सगळीकडे फक्त भूगोल आहे. काही चुका झाल्या असतील त्या सुधारण्यासाठी इतिहास प्रत्येकाने वाचला पाहीजे, महाराष्ट्राचा इतिहास तर वाचलाच पाहिजे, असंही राज ठाकरे यावेळी म्हणाले.
पुढे राज ठाकरे म्हणाले की, माझ्याकडून काही तरी करावं असं वाटतंय म्हणून मी मनसेकडून या संस्थेला २५ लाख रुपये देणगी देतो. छत्रपती शिवाजी महाराज की जय म्हटलं की इतिहास कळला असे नाही, त्याचा अभ्यासही करावा लागतो. यावेळी राज ठाकरेंनी सदाशिव पेठ येथील इमारतीचा पुनर्विकास करण्यात याबाबतची माहिती देखील जाणून घेतली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.