- नवनीत तपाडिया
Aurangabad Crime News : गाडीवर चालक म्हणून कामाला असलेल्या एकास कामावरून काढलं म्हणून त्याने चक्क मालकास जिवे मारण्याचा प्रयत्न केला. चिडलेला कामगार तलवार घेऊन मालकाच्या घरात घुसला. परंतु औरंगाबाद (aurangabad) पाेलिसांच्या सतर्कतेमुळं उद्याेजकचा जीव वाचला. या प्रकरणी पाेलिसांनी कामगारास अटक केली आहे.
उद्योजक संजय नागरे यांनी त्यांचे वाहन चालक पाटलोबा ऊर्फ बबन बालाजी फड (राहणार आविष्कार कॉलनी, एन-6, सिडको) यास कामावरुन काढलं. त्यामुळं ताे चिडला. ताे थेट तलावर घेऊन नागरे यांच्या घरात घुसला. त्याने नागरे यांच्या कुटुंबियांवर हल्ला करण्याचा प्रयत्न केला असं पाेलिसांनी सांगितलं.
दरम्यान या प्रकाराची माहिती गुन्हे शाखेला वेळीच मिळाली. त्यामुळं पाेलिसांचे एक पथक तत्काळ घटनास्थळी दाखल झाले. त्यांनी फड यास ताब्यात घेतलं. त्यामुळे मोठा अनर्थ टळला. याप्रकरणी उद्योजक संजय नागरे यांच्या तक्रारीवरून पुंडलिक नगर पोलीस ठाण्यात फड याच्यावर गुन्हा दाखल करुन त्यास पाेलिसांनी अटक केली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.