नवनीत तापडिया
औरंगाबाद : आई वडील खर्चासाठी पैसे देत नाही म्हणून दुचाकींची चोरी करण्याचा धंदाच फार्मसीच्या विद्यार्थ्याने (Student) सुरू केला. पोलिसांनी त्याच्याकडून आणि त्याच्या मित्राकडून तब्बल २१ लाख ९५ हजार किमतीच्या ३६ दुचाकी हस्तगत केल्या. सहा पोलीस (Police) ठाण्यातील ३७ गुन्हे उघडकीस आले आहेत. या मोठ्या कारवाईमुळे दुचाकी चोरणाऱ्यांचे मात्र चांगलेच धाबे दणाणले आहेत. (Maharashtra News)
गर्लफ्रेंडचे लाड पुरवण्यासाठी किंवा स्वतःला आयुष्य आरामात जगता यावे, यासाठी चोरी करण्याच्या अनेक घटना ऐकल्या आहेत. परंतु औरंगाबाद (Aurangabad) येथील एका पट्ट्याने आई- वडील खर्च करायला पैसे देत नसल्याने दुचाकींच्या चोरी (Crime) करण्याचा जणू धंदाच सुरू केला. शैलेश खेडकर असे या फार्मसीच्या विद्यार्थ्याचे नाव असून यामध्ये त्याचा मित्र विजय अळींग याची देखील त्याला साथ लाभली. या दोघांकडून पोलिसांनी तब्बल २१ लाख ९५ हजार रुपये किंमतीच्या ३६ दुचाकी जप्त केल्या.
दुचाकी चोरी विरोधातील मोहिमेत आला ताब्यात
शहरात दुचाकी चोरीच्या वाढत्या घटनांना आळा बसण्यासाठी पोलीस आयुक्तांच्या मार्गदर्शनाखाली विशेष पथकाने दुचाकी चोरी विरोधात धडक मोहीम हाती घेतली. यातूनच मिळालेल्या गोपनीय माहितीनुसार पोलिसांनी शैलेश खेडकर या फार्मसीच्या विद्यार्थ्याला ताब्यात घेऊन चौकशी केली. त्याने एक दोन नव्हे तर तब्बल 36 दुचाकी चोरल्याचे समोर आले. एवढेच नव्हे तर या पठ्याने चोरलेल्या दुचाकी आपल्या शेतात लपवून ठेवल्या होत्या. पोलिसांनी या सर्व दुचाकी हस्तगत केल्या असून आरोपींना ताब्यात घेण्यात आले. एकंदरीतच पोलिसांनी केलेल्या या मोठ्या कारवाईमुळे शहरातील दुचाकी चोरणाऱ्यांचे धाबे मात्र चांगलेच दणाणले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
