Aurangabad Crime News: धक्‍कादायक..औद्योगिक परिसरातील आढळले धडावेगळे शीर

औरंगाबाद : औरंगाबाद परिसरात धक्‍कादायक घटना उघडकीस आली आहे. वाळूज औद्योगिक परिसरातील घाणेगावात युवकाचे धडावेगळे शीर (Crime News) आढळून आले आहे. सदरचा मृतदेह कुजलेला असून पोलिस याचा तपास करत आहेत. (Maharashtra News)

औरंगाबाद परिसरातील वाळूज औद्योगिक वसाहत परिसरातील बंद पडलेल्या कंपनी परिसरातील धक्कादायक प्रकार समोर आला आहे. आज सकाळी साडेदहाच्या सुमारास घटना उघडकीस आली असून, धडापासून शीर वेगळे केलेले आढळून आले आहे. वाळुज मृतदेहा प्रकरणी पोलीस निरीक्षक सचिन इंगोले यांनी माहिती दिली असून हा मृतदेह 20 ते 25 वर्षाच्या युवकाचा आहे. त्यामुळे पोलीस आता त्या दृष्टीने तपास करत आहेत.

मृतदेहावर माती टाकलेली

युवकाचा आढळून आलेला मृतदेह हा काहीसा कुजलेल्‍या स्‍थीतीत आहे. युवकाचा खून दोन– तीन दिवसांपुर्वी झाल्‍याचा अंदाज असून खून केल्‍यानंतर मृतदेहावर माती टाकलेली होती. मृताच्या हातावर छत्रपती लिहिलेले असल्याची माहिती देखील समोर आली आहे.