Aurangabad Police News: ‘एसीपी’ने घरात घुसून काढली महिलेची छेड; औरंगाबाद पोलीस दलात खळबळ, गुन्‍हा दाखल

औरंगाबाद : औरंगाबाद पोलीस दलात खळबळ उडवून देणारी माहिती समोर येत असून औरंगाबाद शहर पोलीस दलातील 'एसीपी'वर शहरातील सिटी चौक (Police) पोलिसांत गुन्हा दाखल करण्यात आला. (Tajya Batmya)

औरंगाबाद पोलिस (Aurangabad Police) दलातील विशाल ढुमे हे नाईट ड्युटीवर असतांना या पोलीस अधिकाऱ्याने रात्री 2 वाजेच्या सुमारास एका घरात घुसून महिलेची छेडछाड केल्याचा प्रकार समोर आला आहे. याप्रकरणी शहरातील सिटी चौक पोलिसात गुन्हा दाखल करण्यात आला आहे. विशाल ढुमे असे या अधिकाऱ्याचे नाव आहे.

तात्‍काळ कारवाईची मागणी

या प्रकारामुळे औरंगाबाद पोलीस दलात एकच खळबळ उडाली आहे. सदर पोलीस अधिकाऱ्याला ताब्यात घेऊन त्याच्यावर तात्काळ कारवाई करण्यात यावी; अशी मागणी विधान परिषद विरोधी पक्षनेते आमदार अंबादास दानवे तसेच प्रत्यक्षदर्शी नागरिकांनी केली.