Viral Video : अरे हे काय ? मुलगा दूध प्यायच्या वयात करतोय दारूसाठी हट्ट; व्हिडिओ सोशल मीडियावर तुफान व्हायरल

Viral Video : लहान मुलं चॉकलेट किंवा एखादं खेळणं घेऊन देण्यासाठी नेहमीच हट्ट करतात. मनासारखं झालं नाही तर लहान मुलं जोरजोरात रडतात. असाच एका लहान मुलाचा रडतानाचा व्हिडिओ सोशल मीडियावर जोरदार व्हायर होत आहे. मात्र त्याचा हट्ट चॉकलेटसाठी नाही तर चक्क दारूसाठी आहे. (Latest Marathi News)

लहान मुलं कधी काय मागतील याचा काही नेम नाही. अशात व्हायरल (Viral) होत असलेल्या व्हिडिओमध्ये हा चिमुकला अवघ्या २ वर्षांचा आहे. त्याचे बाबा दारू पित असताना त्याने ते पाहिले. त्यानंतर त्याला देखील दारू प्यावीशी वाटली. त्यामुळे तो बाबांकडे दारू मागू लागला.

बाबा दारू देत नसल्याने त्याने मोठमोठ्याने रडायला सुरुवात केली आणि मला दारू पाहिजे म्हणून तगादा लावला. दूध (Milk) पिण्याच्या वयात चिमुकल्याने दारू पिण्याचा हट्ट केला आहे. त्यामुळे त्याचा हा हट्ट पाहून सगळेच थक्क झालेत. जिंन्दगी गुलजार है या ट्वीटर अकाऊंटवर हा व्हिडिओ शेअर करण्यात आला आहे.