Snake Bite : साप चावल्याने बारावीतील विद्यार्थिनीचा मृत्यू; कापरे कुटुंबावर शाेककळा

Beed : बारावीमध्ये शिक्षण घेणार्‍या एका तरुणीस सर्पदंश झाल्याने तिला उपचारासाठी रूग्णालयात घेवून जात असताना रस्त्यामध्येचं तिचा दुर्दैवी मृत्यू झाला. ही दुर्दैवी घटना बीड येथील केज तालुक्यातील भाटूंबा गावात घडली आहे. अश्‍विनी अनंत कापरे असं मयत तरुणीचे नाव आहे.

अश्विनी कापरे ही घराच्या बाहेर आली असता तिला साप (snake) चावला. त्यानंतर तिला उपचारार्थ केजच्या उपजिल्हा रूग्णालयात (hospital) दाखल केले. मात्र तिची प्रकृती चिंताजनक असल्याने तिला केजहून अंबाजोगाईच्या स्वाराती रूग्णालयात घेवून जात असताना रस्त्यामध्येचं तिचा दुर्दैवी मृत्यू झाला.

दरम्यान या घटनेने भाटूंबा येथे हळहळ व्यक्त केली जात आहे. अश्‍विनी इयत्ता बारावीत शिक्षण घेत हाेती.

Edited By : Siddharth Latkar