Ashadhi Ekadashi 2023 CM Eknath Shinde News: 'अवघे गर्जे पंढरपूर, चालला नामाचा गजर' आषाढी एकादशीनिमित्त मुख्यमंत्री एकनाथ शिंदे यांच्या हस्ते आज पंढरपूर येथे विठ्ठल-रुख्मिणीची शासकीय महापूजा संपन्न झाली. या महापूजेनंतर मुख्यमंत्र्यांनी विठुरायाला साकडे घातले.
'बळीराजाला चांगले दिवस येऊ देत, शेतकऱ्यांना कष्टकऱ्यांना चांगले दिवस येऊ देत. राज्यात पाऊस चांगला पडू दे. राज्य सुजलाम सुफलाम होऊ दे, असे मागणे मुख्यमंत्री एकनाथ शिंदे (CM Eknath Shinde) यांनी विठ्ठलाच्या चरणी मागितले.
यावेळी विठुरायाच्या नामाने अवघे पंढरपूर (Pandharpur) दुमदुमून गेले होते. दरम्यान, महापूजेनंतर मंदिर समितीच्या वतीने मुख्यमंत्री एकनाथ शिंदे यांचा सत्कार करण्यात आला. या सोहळ्यामध्ये मुख्यमंत्र्यांनी पंढरपूरच्या विकास आराखड्यासह इतर अनेक मुद्द्यांवर महत्त्वपूर्ण भाष्य केले आहे.
शासकीय महापूजेनंतर सत्कार सोहळ्यातून उपस्थिताना संबोधित करताना मुख्यमंत्री शिंदे म्हणाले की, आषाढी एकादशीनिमित्त (Ashadhi Ekadashi 2023) आज मला आणि माझ्या कुटुंबाला शासकीय महापूजा करण्याचं भाग्य मिळालं, त्यासाठी मी स्वत:ला भाग्यवान समजतो. आषाढी एकादशीनिमित्त पंढरपूरामध्ये मंगलमय वातावरण झालेलं आहे, असं शिंदे म्हणाले.
पुढे बोलताना मुख्यमंत्री एकनाथ शिंदे म्हणाले, मला पत्रकारांनी विचारला, की तुम्ही विठुरायाला काय मागितलं. आता विठुरायाकडे काय मागणार, बळीराजाला चांगले दिवस येऊदेत, शेतकऱ्यांना, कष्टकऱ्यांना चांगले दिवस येऊदेत. राज्यात पाऊस चांगला पडू दे. हे राज्य सुजलाम सुफलाम होऊ दे. राज्यातील सर्व घटक सुखी समाधानी झाले पाहिजे. त्यांच्या जीवनात चांगले दिवस आले पाहिजेत हाच आपला उद्देश आहे. असे मुख्यमंत्र्यांनी सांगितलं.
दरम्यान, यावेळी मुख्यमंत्री एकनाथ शिंदे यांनी वारकऱ्यांच्या सोईसाठी केलेल्या नियोजनाचाही मुख्यमंत्र्यांनी आवर्जुन उल्लेख केला. ते म्हणाले, लाखो वारकऱ्यांची गैरसोय नाही म्हणून मी ३-४ दिवसापूर्वी पंढरपुरात आलो होतो. यावर्षी उत्तम नियोजन आपण पाहिलं. लोकप्रतिनिधी आणि प्रशासन या सगळ्यांनी मिळून अतिशय उत्तम नियोजन केलं त्याबद्दल सगळ्यांचे धन्यवाद. वारकरी बंधूंनी सहकार्य केले त्यांचे मी आभारी आहे.
Edited by - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.