Amravati : शिवाजी शिक्षण संस्थेत हर्षवर्धन देशमुखांचा वरचष्मा; ठाकरेंच्या पॅनलला दणका

- अमर घटारे

Amravati : स्वतंत्र भारताचे पहिले कृषिमंत्री पंजाबराव देशमुख यांनी स्थापन केलेली व राज्यातील द्वितीय क्रमांकाची संस्था अमरावती येथील श्री शिवाजी शिक्षण संस्थेच्या (shivaji shikshan sanstha) पंचवार्षिक निवडणुकीत (election) पुन्हा राष्ट्रवादीचे माजी मंत्री हर्षवर्धन देशमुख (Harshwardhan Deshmukh) यांच्या प्रगती पॅनलने एकतर्फी विजय (victory) मिळविला आहे. या निवडणुकीत माजी आमदार नरेशचंद्र ठाकरे यांच्या विकास पॅनलचा दारुण पराभव झाला आहे. (Shivaji Shikshan Sanstha Election Result News)

स्वतंत्र भारताचे पहिले कृषी मंत्री डॉ. पंजाबराव देशमुख यांनी स्थापन केलेल्या आणि राज्यातील द्वितीय क्रमांकाची शिक्षण संस्था असलेल्या श्री शिवाजी शिक्षण संस्थेच्या कार्यकारी परिषदेच्या ९ पदाकरिता रविवारी मतदान झाले. श्री शिवाजी शिक्षण संस्थेत एकूण ७७४ मतदार आहेत. यापैकी ६७२ मतदारांनी मतदानाचा हक्क बजावला होता.

या निवडणुकीत अध्यक्ष, उपाध्यक्ष व सर्व संचालक पदाच्या जागेवर प्रगती पॅनलने बाजी मारली आहे. यात सलग दुसऱ्यादा हर्षवर्धन देशमुख अध्यक्षपदावर विराजमान झाले. प्रगती पॅनलने 9 पैकी 8 जागा जिंकल्या आहेत. प्रतिस्पर्धी विकास पॅनलने एक जागा जिंकली. दरम्यान काल शिवाजी शिक्षण संस्थेची निवडणूकीवेळी एका मतदान केंद्रावर दोन गटांमध्ये राडा झाला होता. त्यामुळे मोठ्या प्रमाणावर तणाव निर्माण झाला होता.

Edited By : Siddharth Latkar