Amravati Politcs : नवनीत राणा भाजपमध्ये प्रवेश करणार?, कमळ चिन्हावर निवडणूक लढणार?; सूत्रांची माहिती

अमर घटारे | अमरावती

Amravati News :

अमरावतीच्या अपक्ष खासदार नवनीत राणा  लवकरच भाजपमध्ये प्रवेश करण्याची शक्यता आहे. नवनीत राणा यांचा 4 एप्रिल रोजी नागपुरात भाजप अध्यक्ष जेपी नड्डा यांच्या उपस्थितीत भाजपमध्ये पक्षप्रवेश होणार असल्याची माहिती खात्रिलायक सूत्रांकडून मिळत आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नवनीत राणा भाजपच्या तिकीटावर लोकसभेची निवडणूक लढवणार असल्याची चर्चा आहे. २०१९ मध्ये झालेल्या निवडणुकीत खासदार नवनीत राणा काँग्रेस आणि राष्ट्रवादी काँग्रेसच्या पाठिंब्याने निवडून आल्या होत्या. नवनीत राणा या भाजपाने पाठिंबा द्यावा यासाठी आग्रही आहे. (Latest Marathi News)

भाजप प्रदेशाध्यक्ष चंद्रशेखर बावनकुळे यांनी देखील अमरावती लोकसभेत भाजपचा उमेदवार असेल, असे वक्तव्य केलं होतं. त्यानंतर भाजप या जागेवर कमळ चिन्हावर निवडणूक लढवण्यावर ठाम आहे. त्यामुळेच नवनीत राणा या कमळ चिन्हावर निवडणूक लढवू शकतात.

शिवाजीराव आढळराव पाटील हे देखील महायुतीतून निवडणूक लढवण्यास इच्छूक आहेत. त्यामुळे महायुतीतून याठिकाणी कोण निवडणूक लढवणार यासाठी चढाओढ सुरु आहे. त्यामुळे नवनीत राणा यांना महायुतीचा पाठिंबा हवा असल्यास त्यांना भाजपमध्ये प्रवेश करुनच तो मिळवावा लागणार आहे.