Amit Shah in Nanded Visit: अशोक चव्हाणांच्या बालेकिल्ल्यात आज अमित शहांची तोफ धडाडणार; सभेत काय बोलणार याकडे संपूर्ण महाराष्ट्राचं लक्ष

संजय सूर्यवंशी

Amit Shah News: नांदेडच्या होम पीचवर केंद्रीय गृहमंत्री अमित शहा यांची सभा होत आहे. यावर माजी मुख्यमंत्री अशोक चव्हाण यांनी प्रतिक्रिया दिलीय. लोकशाही वर विश्वास ठेवणारे आम्ही आहोत. त्यामुळे या पीच वर खेळण्याचा अधिकार सर्वांचाच आहे. या पीचवर कोणी आले तरी लोक ठरवतात की हे पीच कोणाचे आहे. निवडणुकीमध्ये हे पीच कोणाचं आहे हे लोक ठरवतात. आतापर्यंत आम्ही या पीच वर राहिलो आहोत हा इतिहास आहे. पुढे काय होईल हे लोकांनी ठरवायचं आहे. (Latest Marathi News)

भाजपची (BJP) लोकसभेची सुरुवात नांदेडमधून (Nanded) होत आहे. सर्वांचे नांदेड हे महत्वाचे केंद्र आहे. नांदेड हे माजी केंद्रीय गृहमंत्री शंकरराव चव्हाण यांचे होम पीच राहिलेलं आहे. त्यामुळे नांदेड मध्ये येऊन सर्वांनीच सुरुवात करावी माझं त्यांना आमंत्रण असणार आहे. अखेर मॅच मध्ये जो जिंकेल तोच अंतिम फेरीत जाईल असे चव्हाण मानले.

राहुल गांधी हे नांदेडमधून गेले

नांदेड मधील काँग्रेसची स्थिती चांगली आहे. ज्या ठिकाणी भाजप विक आहे. त्याठिकाणी भाजप लक्ष केंद्रित करीत आहे हा त्यांचा हेतू असावा. नांदेड नाही तर महाराष्ट्रात त्यांच्या 5 सभा होणार आहेत. स्वाभाविक आहे त्यांचा पक्ष म्हणून ते सभा घेणारच. त्यात गैर काही नाही असे देखील अशोक चव्हाण (Ashok Chavan) म्हणाले.

दरम्यान, आज अमित शहा आज नांदेड जिल्ह्याच्या दौऱ्यावर असणार आहे. त्यांच्या नांदेड दौऱ्याच्या पार्श्वभूमीवर पोलिसांकडून मोठा पोलीस बंदोबस्त तैनात करण्यात आला आहे. नांदेड शहरातील अबचलनगर मैदानावर आज भाजपची जाहीर सभा होणार आहे. तर या सभेला केंद्रीय गृहमंत्री अमित शाह, उपमुख्यमंत्री देवेंद्र फडणवीस (Devendra Fadnavis) हे उपस्थित राहणार आहेत. त्यामुळे नांदेडमध्ये होणाऱ्या आजच्या सभेतून अमित शहा यांच्यासह फडणवीस कोणावर निशाणा साधणार हे पाहणे महत्वाचे ठरणार आहे.