Dhule : 'ते' मद्य विक्री केंद्र हटवा, धुळ्यात आंबेडकरी संघटनेचा रास्ता राेकाे

Dhule News :

धुळे शहरातील डॉक्टर बाबासाहेब आंबेडकर यांच्या पूर्णाकृती पुतळ्याच्या पाठीमागच्या बाजूस असलेले मद्य विक्री केंद्र हटवण्याची मागणी आंबेडकरी संघटनेने केली. या संघटनेच्या वतीने मागणीच्या पूर्ततेसाठी रास्ता राेकाे आंदाेलन केले. (Maharashtra News)

धुळे शहरातील विविध चौकांमध्ये आज आंबेडकरी जनतेच्या वतीने प्रशासनाचा निषेध करण्यात आला. यावेळी आंदाेलकंनी डॉक्टर बाबासाहेब आंबेडकर यांचा जयघाेष केला. डाॅ. बाबासाहेब आंबेडकर यांच्या पुतळ्याच्या पाठीमागच्या बाजूस असलेला मद्य विक्री केंद्र बंद करा अशी मागणी केली.

आंदाेलक म्हणाले गेल्या कित्येक दिवसांपासून आंबेडकरी संघटना तर्फे मागणी केली जात आहे परंतु या मागणीकडे प्रशासनाचा दुर्लक्ष होत आहे की करत आहे हा प्रश्न आम्हांला पडला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

प्रशासनाने आमच्या मागणीचा विचार करावा अन्यथा यापुढे हे आंदोलन आणखीन तीव्र करु असा इशारा आंदोलक संघटनांच्या वतीने देण्यात आला आहे.

Edited By : Siddharth Latkar