वर्ष उलटले तरी राज्याला मिळेना पूर्णकालिक पोलीस महासंचालक!

मुंबई : महाराष्ट्र राज्याचे पोलीस महासंचालक पद हे मागील 1 वर्षांपासून रिक्त असल्याची माहिती आरटीआय कार्यकर्ते अनिल गलगली (anil galgali) यांस पोलीस महासंचालक कार्यालयाने दिली आहे. मागील 1 वर्षांपासून पूर्णकालिक महासंचालकाची नेमणूक न झाल्याने सध्या महाराष्ट्र राज्य सुरक्षा महामंडळाचे व्यवस्थापकीय संचालक संजय पांडे यांच्याकडे अतिरिक्त कार्यभार सोपविण्यात आला आहे.

हे देखील पहा :

आरटीआय (RTI) कार्यकर्ते अनिल गलगली यांनी पोलीस (Police) महासंचालक कार्यालयाकडे महासंचालकांच्या रिक्त पदाबाबत माहिती मागितली होती. पोलीस महासंचालकाचे वरिष्ठ कार्यासन अधिकारी श्रीकांत पाटील यांनी अनिल गलगली यांस कळविले की पोलीस महासंचालक हे पद 1 जानेवारी 2021 पासून रिक्त आहे. महाराष्ट्र (Maharashtra) राज्य सुरक्षा महामंडळाचे व्यवस्थापकीय संचालक संजय पांडे यांस 10 एप्रिल 2021 अतिरिक्त कार्यभार सोपविण्यात आला आहे.

पोलीस महासंचालक (Police Mahasanchalak) पदासाठी सेवाज्येष्ठतेची यादी तसेच प्रस्तावाची माहिती त्यांच्या महासंचालक कार्यालयाकडे उपलब्ध नसल्याचे देखील सांगण्यात आले. अनिल गलगली यांचा अर्ज गृह विभागाकडे हस्तांतरित केला. अनिल गलगली यांनी याबाबत पंतप्रधान आणि मुख्यमंत्री (Chief Minister) तसेच गृहमंत्री (Home Minister) यांस पत्र पाठवून मागणी केली आहे की महासंचालक पद हे महत्वाचे असून तत्काळ नेमणूक होणे गरजेचे आहे. अश्या पदाचा कार्यभार दिले जाणे हे महाराष्ट्र सारख्या प्रगतशील राज्यासाठी भूषणावह नाही.

Edited By : Krushnarav Sathe