अवैध बायोडिझल पंपावर पोलिसांचा छापा

अकोला - पातूर रोडवरील हिंगणा फाट्याजवळ अवैधरित्या बायोडिझलची विक्री करण्यात येत असल्याची माहिती पोलिसांना मिळाली. रात्रीच्या सुमारास पोलिसांनी छापा टाकून मोठ्या प्रमाणात बायोडिझल जप्त केले आहे. याप्रकरणी तिघांना अटक करण्यात आली आहे. गेल्या काही दिवसांपासून जिल्ह्यात अनेक ठिकाणी बायोडिझलची सर्रासपणे विक्री सुरू आहे. कुठलाही परवाना अथवा लायसन्स नसलेले अनेक जण बायोडिझलच्या विक्रीचा व्यवसाय करत आहेत.

हे देखील पहा -

असाच एक प्रकार हिंगणा फाट्याजवळ सुरू असल्याची माहिती पोलिसांना मिळाली. या ठिकाणी अवैधरित्या बायोडिझल पंप टाकून बायोडिझलची साठवनुक करून जास्त दराने विक्री केली जात होती. यावरून पोलिसांनी मोहम्मद फैजान मो इस्लाम, असदखान सैफ उल्लाहखान आणि तकदीर सिंग रामप्रकाश चव्हाण यांना बायोडिझल विकताना रंगेहाथ अटक केली आहे.

या आरोपींकडून एक ट्रक ज्यामध्ये अवैध रित्या बायोडिझेलची साठवणूक केली जात होती. तब्बल 1000 लीटर बायोडिझल, पंपाचे साहित्य, डिझेलच्या 29 बेरेल असा एकूण 30 लाख रूपयांचा मुद्देमाल जप्त करण्यात आला आहे. मात्र याप्रकरणातील सूत्रधार मालक हा सध्या फरार आहे.

Edited By - Shivani Tichkule