अकोल्यात काँग्रेस आक्रमक; मोदींच्या विरोधात घोषणाबाजी करत रास्तारोको

अकोला : नॅशनल हेराल्ड गैरव्यवहार प्रकरणी ईडीने काँग्रेसचे खासदार राहुल गांधी यांना आज पुन्हा चौकशीसाठी बोलवण्यात आले आहे. त्यामुळे संतापलेल्या काँग्रेस कार्यकर्त्यांनी आज अकोल्यातील (Akola) धिंग्रा चौक परिसरात रास्ता रोको आंदोलन करत नरेंद्र मोदी (Narendra Modi) यांच्या विरोधात घोषणाबाजी केली. (Congress aggressive in Akola Rastaroko shouting slogans against narendra Modi)

काही दिवसांपूर्वी सक्तवसुली संचालनालयाने (ईडी) काँग्रेसच्या (Congress) हंगामी अध्यक्षा सोनिया गांधी आणि काँग्रेस नेते राहुल गांधी यांना (Rahul Gandhi) समन्स जारी केला होता. दोन दिवस चौकशी केल्यानंतर आज पुन्हा राहुल गांधी यांना चौकशीसाठी बोलावण्यात आले आहे. त्यामुळे आज अकोल्यातील काँग्रेसच्या कार्यकर्त्यांनी आंदोलन केले. यावेळी शेकडो कार्यकर्त्यांनी एकत्र येत रास्ता रोको करण्यात आला. दरम्यान पोलिसांनी काँग्रेसच्या काही नेत्यांसह पदाधिकाऱ्यांना ताब्यात घेतले आहे.