Akola Accident News: छोटा हत्ती, कारची समोरासमोर धडक; १० प्रवासी जखमी, तेल्हारा ते मनात्री रोडवर अपघात

हर्षदा सोनोने 

अकोला : अकोला जिल्ह्यतील तेल्हारा तालुक्यातील मनात्री येथून जवळच असलेल्या आडसूळ फाट्याजवळ छोटा हत्ती गाडी व कारची समोरासमोर (Accident) धडक होऊन अपघात झाला. यात छोटा हत्ती (Akola) या गाडीत बसलेले १० प्रवाशी जखमी झाले आहेत. (Maharashtra News)

अकोला जिल्ह्यातल्या तेल्हारा तालुक्यातील मनात्री येथून जवळच असलेल्या आडसूळ फाट्याजवळ येथे टाटा मॅजीक व इडिंका कारची समोरासमोर धडक झाली. मनात्री खुर्द येथून जवळच असलेल्या आडसूळ फाट्याजवळ टाटा मॅजीक आडसूळ फाट्यावरून तेल्हाराच्या दिशेने जात असताना मनात्री खुर्द फाट्यावरुन भरधाव वेगाने येत असलेली कारने टाटा मॅजीकला कट मारला. या अपघातानंतर कार चालक फरार झाला आहे. 

टाटा मॅजीकमध्ये बसलेले प्रवासी दहा असून ते जखमी झाले आहेत. त्यांना उपचारासाठी शासकीय रुग्णालय अकोला येथे हलविण्यात आले आहे. या अपघातात प्रवाशी जखमी अवस्थेत असल्यावर अपघातानंतर १ ते २ तास अ‍ॅम्ब्युलन्स आलीच नाही. तसेच तेल्हारा पोलीस स्टेशनचे कर्मचारी घटनास्थळी येत असताना पोलीस वाहन मध्यंतरी बंद पडले. यामुळे पोलीस प्रशासन देखील उशीराने पोहचले. पुढील तपास सहाय्यक पोलीस अमोल सोळंके करीत आहेत.