अजित पवार आणि बाळासाहेब आंबेडकरांनी एकत्र यावं, असं विधान अजित पवारांच्या राष्ट्रवादीचे आमदार अमोल मिटकरींनी केलीये. शाहू-फुले-आंबेडकरांच्या वारसदारांनी एकत्र यावं, असं आवाहन अमोल मिटकरींनी केलंय. आरपीआयनंतर राष्ट्रवादीने वंचित बहुजन आघाडीला साद घातली आहे. पाहूया एक रिपोर्ट.
विधानसभा निवडणुकीच्या पार्श्वभूमिवर काही दिवसांपूर्वीच आरपीआय नेते रामदास आठवले यांनी प्रकाश आंबेडकरांना एकत्र येण्याची साद दिली आहे. आंबेडकरांनी आरपीआयचं नेतृत्व करावं, अशी ऑफरही दिली. मात्र वंचितने आठवलेंची ऑफर धुडकावली होती. आता अजित पवारांच्या राष्ट्रवादी काँग्रेसनं वंचितला साद घातली आहे. आमदार अमोल मिटकरींनी अजित पवार-प्रकाश आंबेडकरांनी एकत्र यावं. शाहू-फुले-आंबेडकरांच्या वारसदारांनी एकत्र यावं, असं वक्तव्य केलं आहे.
वंचितनं विधानसभेसाठी काही उमेदवार जाहीर केले आहेत. २४ मार्च २०१९ रोजी वंचित बहुजन आघाडीची स्थापना झाली आहे. २०१९ मध्ये वंचितने लोकसभा आणि विधानसभा निवडणूक लढवली मात्र त्यांचा एकही उमेदवार निवडून आला नाही. २०१९ मध्ये विधानसभेला वंचितला २५ लाख मतदान झालं होतं. म्हणजेच ४.६% मते मिळाली होती.
लोकसभा निवडणुकीत अजित पवारांच्या पक्षानं निराशा केली. महायुतीत राष्ट्रवादी एकाकी पडल्याचं चित्र आहे. अनेक स्वकीय सोडून शरद पवारांच्या दाराशी जात आहेत. या पार्श्वभूमिवर दादांना मदतीचा हात हवा आहे. वंचित त्याला प्रतिसाद देणार का? हे पाहणं महत्वाचं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.