नांदेड शहरातील खालसा फायनान्सच्या कार्यालयात एका शेतकऱ्याचा मृतदेह आढळला.. नांदेड जिल्ह्यातील मुदखेड तालुक्यातील माळकोठा येथील चंद्रकांत शिंदे या शेतकऱ्याचा मृतदेह गळफास घेतलेल्या अवस्थेत आढळून आला.कर्जाच्या वसुलीसाठी फायनान्स वाल्याने त्यांना डांबून ठेवले होते.. फायनान्स वाल्यानी त्यांचा खून केला असा नातेवाईकांचा आरोप आहे.दरम्यान मयत शेतकरी भोकर मतदार संघातील होते.
खोपोली नगर पालिकेच्या प्रस्तावित जलसाठवण टाकीच्या जागेला पालकमंत्र भरत गोगावले यांनी दिली भेट
मत्स विभागाच्या अखत्यारीत सदर जागा असल्याने जल साठवण टाकीच्या प्रकल्पाला होत आहे विलंब
खोपोली शहराचा वाढता विकास लक्षात घेता भविष्यात मोठ्या प्रमाणात लागणाऱ्या पाण्याची गरज लक्षा घेऊन उभारली जात आहे साठवण टाकी
पाताळगंगा नदी किनारी बंद स्थितीत मत्सबीज केंद्र आहे, त्या जागी उभारला जात आहे साठवण टाकीचा प्रकल्प
रायगडच्या महाड तालुक्यातील वहूरमध्ये खासदार सुनील तटकरे यांच्या हस्ते होणाऱ्या भूमिपूजन कार्यक्रमापूर्वीच वाद झाल्याची घटना समोर आली आहे. महाड तालुक्यातील वहूर बौद्धवाडी येथे साकव आणि रस्त्याच्या काँक्रिटीकरणाच्या कामाचा भूमिपूजन सोहळा खा. सुनिल तटकरे यांच्या हस्ते होणार होता. या कार्यक्रमाला तटकरे पोहोचण्याआधीच दोन गटात वाद झाला. होणाऱ्या कार्यक्रमावर अक्षेप घेत ग्रामस्थांचे दोन गट एकमेकांशी भिडले. शिवीगाळ, धक्काबुक्की आणि शाब्दीक वाद झाला. पोलिसांनी हस्तक्षेप करीत वाद मिटवला, तटकरे यांच्या गाड्यांचा ताफा बाहेर काढला. दरम्यान या वादा प्रकरणी दोन गटात परस्पर विरोधी मारहाण आणि धमकी दिल्याचा गंभीर आरोप प्रकरणी महाड शहर पोलिस ठाण्यात गुन्हा दाखल करण्यात आली असून महाड शहर पोलीस ठाण्याचे पोलीस निरीक्षक नारायण एकशिंगे अधिक तपास करीत आहेत.
काँग्रेसचे ज्येष्ठ नेते आमदार नाना पटोले यांनी जरांगेंनी समोर आणलेल्या ऑडिओ क्लिपवरून भाजप आणि राज्यातल्या फडणवीस सरकारवर मोठा आरोप केलाय. देशातील मतचोरीवरच्या आंदोलनावरचे लक्ष दुसरीकडे वळवण्यासाठीच भाजप आणि फडणवीस सरकारने ही ऑडिओ क्लिप समोर आणण्याचा आरोप त्यांनी केलाय. ते अकोला येथे बोलत होतेय. दरम्यान, ऑडिओ क्लिप संजय राऊत यांच्या 'वॉर रूम'मध्ये बनल्याच्या भाजपच्या आरोपावरही त्यांनी जोरदार पलटवार केलाय. राज्यात भाजपचे सरकार असल्यानंतर त्यांनी या प्रकरणाची चौकशी करावी आणि सर्व सत्य समोर आणावं असं ते म्हणालेत. मत चोरीच्या मुद्द्याला लोकांच्या मिळत असलेल्या प्रतिसादावरून भांबवलेलं सरकार आता त्यावरून लक्ष हटविण्यासाठी ऑडिओ क्लिपसारख्या गोष्टी समोर आणत असल्याचं नाना पटोले म्हणालेत.
१७८-धारावी विधानसभा मतदारसंघातील प्रकरण
गिरिधारी स्वामीनाथ जयस्वाल यांच्याविरोधात धारावी पोलीस ठाण्यात तक्रार
एकाच दिवशी नमुना ७ चे तब्बल २४ अर्ज दाखल केल्याचे उघड
नियमानुसार नमुना ७ चे दररोज जास्तीत जास्त १० अर्ज दाखल करण्याची मर्यादा
निर्धारित मर्यादेपेक्षा अधिक अर्ज दाखल केल्याने नियमांचे उल्लंघन झाल्याचा आरोप
लोकप्रतिनिधित्व अधिनियम, १९५० च्या कलम ३१ अंतर्गत कारवाई
मुंबई महापालिकेच्या जनसंपर्क विभागाकडून २४ ऑक्टोबर रोजी माहिती प्रसिद्ध
मतदार याद्यांच्या विशेष सखोल पुनरीक्षण कार्यक्रमांतर्गत (SIR-२०२६) कारवाई
प्रारूप मतदार यादीवरील दावे आणि हरकती दाखल करण्याची अंतिम मुदत २६ ऑक्टोबर २०२६
उद्या मुंबईमध्ये धडकणार आदिवासी विद्यार्थ्यांच्या जन आक्रोश मोर्चा
आंदोलक सागर पावराने सोशल मीडियावर केलं आंदोलनात सहभागी होण्याचा आवाहन
पोलिसांची परवानगी नसताना देखील मुंबईच्या शिवाजी पार्कवर होणारच जण आक्रोश मोर्चा
परवानगी मागून ही पोलिसांकडनं परवानगी दिली जात नसल्याचा आंदोलन सागर पावरा चा आरोप
विद्यार्थ्यांना पोलिस गुन्हेगाराप्रमाणे ट्रॅक करत आहे
आम्हाला अटक केली तरी देखील आम्ही शिक्षणाचा लढा सुरूच ठेवणार
छत्रपती संभाजीनगर : छत्रपती संभाजीनगर तालुक्यातील निपाणी शिवारात परतीच्या पावसाने हजेरी लावली. परिसरात सुमारे पाच मिनिटे जोरदार पाऊस झाल्याने शेतकऱ्यांच्या आशा पल्लवित झाल्या आहेत. यंदा पावसाच्या अनियमिततेमुळे शेतीपिकांचे मोठे नुकसान झाले आहे. रब्बी हंगामाच्या पार्श्वभूमीवर शेतकरी दमदार पावसाच्या प्रतीक्षेत आहेत. अल्पकाळ झालेल्या पावसामुळे काहीसा दिलासा मिळाला असला, तरी जमिनीत पुरेसा ओलावा निर्माण होण्यासाठी आणखी पावसाची गरज आहे. त्यामुळे पुढील काळात परतीचा पाऊस जोरदार बरसणार का, याकडे शेतकऱ्यांचे लक्ष लागले आहे.
कल्याण : कल्याण-डोंबिवली परिसरात धुरकट वातावरण पसरल्याने दृश्यमानतेत मोठी घट झाली आहे. शहरातील अनेक भागांमध्ये धुरकट थर दिसत असून, दूरवरील परिसर अस्पष्ट दिसत आहेत. अचानक बदललेल्या वातावरणामुळे नागरिकांमध्ये चर्चेला उधाण आले आहे. हे वातावरण वाढत्या प्रदूषणामुळे निर्माण झाले आहे की हवामानातील बदलामुळे, असा प्रश्न उपस्थित होत आहे. मात्र, धुरकट वातावरणामागील नेमके कारण अद्याप स्पष्ट झालेले नाही. त्यामुळे परिस्थितीचे कारण जाणून घेण्यासाठी अधिकृत माहिती आणि प्रदूषणाच्या आकडेवारीकडे लक्ष लागले आहे.
कोल्हापुरात जोरदार वाऱ्यासह झालेल्या पावसामुळे राजारामपुरीतील नव्या गल्लीमध्ये नारळाचं झाड वाहनांवर कोसळल्याची घटना घडली. या दुर्घटनेत चारचाकी वाहनासह एका दुचाकीचं नुकसान झालं आहे. सुदैवाने या घटनेत कोणतीही जीवितहानी झालेली नाही. झाड कोसळल्याची माहिती मिळताच महापालिकेचं अग्निशमन दल घटनास्थळी रवाना झालं. परिसरातील झाड हटवून वाहतूक सुरळीत करण्यासाठी आवश्यक कार्यवाही केली जाणार आहे. दरम्यान, वादळी वाऱ्यामुळे नागरिकांनी सतर्क राहण्याचं आवाहन करण्यात येत आहे.
अहिल्यानगर : उसाचे दर जाहीर न करताच साखर कारखाने सुरू केल्याच्या निषेधार्थ राहुरी तालुक्यात शेतकरी आक्रमक झाले आहेत. चिंचोली ते गुहा मार्गावर शेतकरी संघटनेने ठिय्या आंदोलन सुरू केले असून, अहिल्यानगर-मनमाड महामार्गावरील ऊस वाहतूक करणारी वाहने रोखण्यात आली आहेत. गेल्या पाच तासांपासून ऊस वाहतूक ठप्प आहे. उसाला प्रतिटन पाच हजार रुपये दर देण्याची मागणी शेतकऱ्यांनी केली आहे. प्रादेशिक साखर सहसंचालकांनी आंदोलनस्थळी येऊन दर जाहीर केल्याशिवाय आंदोलन मागे घेणार नसल्याची भूमिका शेतकऱ्यांनी घेतली आहे. तहसीलदार अमित पवार आणि पोलीस प्रशासन घटनास्थळी दाखल झाले आहेत.
टोरंट पावर कंपनींसाठी ३२ हजार झाडांवर कुऱ्हाड
अहिल्यानगर-मनमाड महामार्गावर राहुरी तालुक्यातील चिंचोली ते गुहा मार्गावर शेतकऱ्यांनी ऊस वाहतूक रोखली असून, गेल्या पाच तासांपासून वाहतूक ठप्प आहे. उसाचे दर जाहीर न करताच साखर कारखाने सुरू केल्याच्या निषेधार्थ शेतकरी संघटनेने आंदोलन सुरू केले आहे.
सिंधुदुर्ग जिल्ह्यात आज पुन्हा संध्याकाळच्या सत्रात परतीच्या पावसाने झोडपून काढले. ढगांचा गडगडाट आणि वादळी वाऱ्यासह जोरदार पाऊस कोसळला.
पिंपरी-चिंचवडमधील महाळुंगे येथील विबग्योर स्कूलमध्ये चाकू हल्ल्याची धक्कादायक घटना घडली आहे. एकाच शाळेत शिकणाऱ्या अल्पवयीन विद्यार्थ्याने अल्पवयीन विद्यार्थिनीवर चाकूने हल्ला केल्याची माहिती समोर आली आहे. या हल्ल्यात विद्यार्थिनी गंभीर जखमी झाली असून, घटनेमुळे शाळा परिसरात खळबळ उडाली आहे.
पंतप्रधान नरेंद्र मोदी उद्या वाराणसी दौऱ्यावर असून, वस्त्रनिर्मिती प्रकल्पाचं उद्घाटन आणि नमो घाटावरील वायुसेना दिनानिमित्त आयोजित प्रदर्शनाला उपस्थित राहणार आहेत.
ठाण्यातील मानपाडा येथील प्रदीप पूर्णेकर हत्या प्रकरणानंतर काँग्रेस प्रदेशाध्यक्ष हर्षवर्धन सपकाळ यांनी त्यांच्या कुटुंबीयांची भेट घेतली. मानपाडा येथील गणेश नगर परिसरातील पूर्णेकर यांच्या निवासस्थानी जाऊन त्यांनी कुटुंबीयांचे सांत्वन केले. यावेळी ठाण्यातील काँग्रेसचे नेतेही उपस्थित होते.
इंदोरवरून घेतलं एकाला ताब्यात
लवकरच अटक करून मुंबईला आणल जाणार
याप्रकरणी अटक करण्यात आलेल्या आरोपींची संख्या ११वर
मुंबई ATS च्या काळाचौकी युनिटने माहिम परिसरातून ३३ वर्षीय मोहम्मद हसन अबू सरमद अख्तर याला अटक केली आहे. आरोपीचा प्रतिबंधित दहशतवादी संघटना जैश-ए-मोहम्मदशी संबंध असल्याचा आरोप आहे.
आरोपीच्या मोबाईल आणि सोशल मीडिया अकाउंटवर प्रक्षोभक पोस्ट, जिहादच्या समर्थनार्थ संदेश आणि मसूद अझहरच्या भाषणांचे ऑडिओ आढळल्याचा दावा ATS ने केला आहे.
देवेंद्र फडणवीस म्हणाले की, Gen Z आणि Gen Alpha या पिढ्यांचा जन्म माहितीचा विस्फोट आणि तंत्रज्ञानाच्या झपाट्याने होणाऱ्या विकासाच्या काळात झाला आहे. त्यांच्याकडे माहिती असली, तरी त्या माहितीचे ज्ञानात रूपांतर होत नाही. त्यामुळे विद्यार्थ्यांकडे असलेल्या माहितीची ज्ञानात भर कशी पडेल, याची मोठी जबाबदारी शाळेतील शिक्षकांवर आहे.
ब्रिटिशांनी आणलेल्या शिक्षणपद्धतीनंतरच भारतात चुकीच्या गोष्टी सुरू झाल्या, असे ते म्हणाले. विकसित देशांमध्ये मातृभाषेतून शिक्षण दिले जाते, तर विकसनशील देशांमध्ये वसाहतवादी राजवटीचा प्रभाव राहिलेल्या देशांच्या भाषांचा प्रभाव दिसून येतो. नवीन शैक्षणिक धोरणात मातृभाषेला अधिक महत्त्व देण्यात येत असून, पाच वर्षांखालील मुलांशी त्यांच्या मातृभाषेत बोलावे, असेही त्यांनी सांगितले.
मुलं रील पाहण्यात गुंततात आणि १५ ते ३० मिनिटे कशी निघून जातात, हे त्यांना कळत नाही. त्यामुळे तंत्रज्ञानाचा उपयोग मुलांसाठी कसा करता येईल, याचा विचार करणे आवश्यक आहे. कृत्रिम बुद्धिमत्तेला (AI) मानवी संवेदना नसतात आणि अनेकदा ते चुकीच्या दिशेनेही नेऊ शकते. त्यामुळे AI चा वापर शाश्वत मूल्यांवर आधारित पद्धतीने केला पाहिजे, असे फडणवीस यांनी स्पष्ट केले.
ऊस दराच्या प्रश्नावर तोडगा काढण्यासाठी कोल्हापुरातील शासकीय विश्रामगृहात बैठक सुरू झाली आहे. या बैठकीला कोल्हापूर जिल्ह्याचे पालकमंत्री प्रकाश आबिटकर, स्वाभिमानी शेतकरी संघटनेचे नेते राजू शेट्टी, आमदार राजेंद्र पाटील-यड्रावकर, माजी खासदार संजय मंडलिक यांच्यासह अन्य साखर कारखानदार उपस्थित आहेत.
ऊस दराच्या प्रश्नावर स्वाभिमानी शेतकरी संघटनेने आंदोलन सुरू केले आहे. या प्रश्नावर तोडगा काढण्यासाठी राज्य सरकारच्या वतीने प्रयत्न सुरू असून, पालकमंत्री, साखर कारखानदार आणि स्वाभिमानी शेतकरी संघटनेच्या नेत्यांमध्ये चर्चा सुरू आहे.
खासदार श्रीकांत शिंदे म्हणाले, “मी त्या दिवसापासून त्या माणसाला शोधतोय, ज्याने पाचशे कोटी रुपये दिले. एकत्रित पाचशे कोटी रुपये कसे दिसतात, याची आम्ही चर्चा करत होतो. जरांगेंना पडलेला प्रश्न मलाही पडलाय.”
रायगड जिल्ह्यात महायुतीतील मित्रपक्ष असलेल्या राष्ट्रवादी काँग्रेस आणि शिवसेनेत शाब्दिक वादासोबतच कार्यकर्ते फोडण्याचे राजकारणही सुरू झाले आहे. राष्ट्रवादी काँग्रेसचे प्रदेशाध्यक्ष खासदार सुनील तटकरे यांनी अलिबागचे शिंदेसेनेचे आमदार महेंद्र दळवी यांना धक्का दिला आहे. दळवी यांच्या मतदारसंघातील शेणवई आदिवासी वाडीवरील २०० हून अधिक ग्रामस्थांनी आज राष्ट्रवादी काँग्रेसमध्ये प्रवेश केला. सुनील तटकरे यांनी त्यांचे पक्षात स्वागत केले. राष्ट्रवादी काँग्रेस आणि शिवसेनेतील वादानंतर आता ग्रामीण भागात ताकद वाढवण्याचे प्रयत्न सुरू झाले असून, जोरदार पक्षप्रवेश घेतले जात आहेत.
प्रदीप पुर्णेकर हत्या प्रकरणात अटक करण्यात आलेल्या पाच आरोपींपैकी पहिल्या तीन आरोपींना यापूर्वीच न्यायालयीन कोठडी सुनावण्यात आली आहे. सुभाष शिंदे उर्फ पप्या, निखिल यादव आणि नितेश पवार या तिघांची ठाणे कारागृहाऐवजी नवी मुंबईतील तळोजा कारागृहात रवानगी करण्यात आली आहे.
हे हत्या प्रकरण ठाण्यातील असल्याने जुन्या वैरातून किंवा दुश्मनीतून त्यांच्या सुरक्षेला धोका निर्माण होऊ शकतो. या पार्श्वभूमीवर खबरदारीचा उपाय म्हणून त्यांना तळोजा कारागृहात हलविण्यात आल्याची माहिती समोर आली आहे.
* नाशिकच्या बिडी भालेकर मैदानापासून ते जिल्हाधिकारी कार्यालयापर्यंत काढण्यात आला मोर्चा
* मोर्चात महाविकास आघाडीचे स्थानिक नेते उपस्थित
* मुख्य निवडणूक आयुक्त ज्ञानेश कुमार यांच्या राजीनाम्याची मोर्चातून करण्यात आली मागणी
* निवडणूक आयोगाच्या पारदर्शकतेवर महाविकास आघाडीकडून प्रश्नचिन्ह
* नाशिकमध्ये विरोधी पक्ष आणि विविध सामाजिक संघटनांनी राष्ट्रपती द्रौपदी मुर्मू यांना निवेदन पाठवून SIR प्रक्रिया तातडीने रद्द करण्याची केली मागणी
- 9 व्या आंतरराष्ट्रीय प्राचार्य शैक्षणिक परिषदेचा समारोप सोहळा
- मुख्यमंत्री देवेंद्र फडणवीस यांच्या प्रमुख उपस्थितीत समारोप कार्यक्रम
- मिहान येथील 'आयआयएम नागपूर'च्या सभागृहात परिषदेचे आयोजन करण्यात आले आहे
वाढत्या प्रदूषणातून अनेक विषारी गोष्टी आपल्या शरीरात जातात.
विषारी कण विषारी वायु शरीरात जात असतात.ते रक्तामध्ये गेल्यानंतर अनेक आजार होतात
यामुळे मेंदूचे अनेक कार्यही बाधित होतात
यामुळे ताण त्यांना वाढतो चिडचिड होते आजार होतात
राजस्थानमध्ये नाशिकच्या बागलाण मधील भाविकांचा भीषण अपघात!
जयपूर-अजमेर महामार्गावरील बगरू पुलियाजवळ टेम्पो ट्रॅव्हलर आणि ट्रेलरची धडक.
तीन भाविकांचा जागीच मृत्यू २५ जण जखमी सात जणांची प्रकृती गंभीर
१ नोव्हेंबरच्या रॅलीसाठी काँग्रेसची जय्यत तयारी
राज्यभरातून ३ हजारपेक्षा जास्त काँग्रेस नेते, कार्यकर्ते आणि पदाधिकारी दिल्लीत दाखल होणार
राज्यातील महाविकास आघाडीतील दिग्गज नेते रॅलीत सहभागी होणार
आदित्य ठाकरेंची डेटा सेंटर प्रकल्पाला स्थगिती देण्याची मागणी
ठाण्यातील प्रस्तावित अ‍ॅमेझॉन डेटा सेंटरला समितीचा अहवाल येईपर्यंत स्थगिती द्या.
डॉ. अनिल काकोडकर यांच्या अध्यक्षतेखालील समिती तीन महिन्यांत अहवाल सादर करणार.
पाणी, वीज, प्रदूषण आणि पर्यावरणावरील संभाव्य परिणामांचा अभ्यास करण्याची मागणी.
पुणे शहरात बिबट्याचे दर्शन; नागरिकांमध्ये भीतीचे वातावरण
जांभूळवाडी रोडवरील दरी पूल परिसरात बिबट्या आढळला
श्री स्वामी सेल्स ऑफिससमोर बिबट्या दिसला
पुण्यातील नागरी वस्तीतही बिबट्याचा शिरकाव
* अहिल्यानगर जिल्ह्यातील पाथर्डी येथील एका वसतीगृहा‌मध्ये सातवीत शिकणाऱ्या बीडच्या गेवराई तालुक्यातील कवडगाव येथील 13 वर्षीय विद्यार्थ्याने गळफास घेऊन जीवन संपवलं असा कुटुंबीयांचा आरोप
* वस्तीगृहातील शिक्षक सुभाष घुगे हा गेल्या तीन महिन्यांपासून विद्यार्थ्याला विनाकारण मारहाण आणि मानसिक त्रास देत होता.
नंदुरबारमध्ये सीएनजी दरात अचानक 5 रुपयांची वाढ ...
सीएनजीचा नवा दर थेट 105 रुपये प्रति किलोवर...
शेजारील गुजरातपेक्षा नंदुरबारमध्ये सीएनजी 10 रुपयांनी महाग
तांदुळवाडी शिवारात दोन ट्रॉली भूस जळून खाक
शेतकरी विजय बाजीराव काकळीज यांच्या भुशाला अज्ञात व्यक्तीकडून आग लावल्याचा संशय.
लातूर - पाणी मिळत नसल्याने तरुण संतप्त, अहमदपूर नगराध्यक्ष कार्यालयात तोडफोड
लातूरच्या अहमदपूर शहरात पाणीपुरवठ्याच्या प्रश्नावरून संतापलेल्या तरुणांने नगराध्यक्ष कार्यालयात तोडफोड केल्याची घटना घडली आहे.
पाणी मिळत नसल्याने संतप्त झालेल्या तरुणांने नगरपरिषद कार्यालयातल्या नगराध्यक्षांच्या कॅबिनमध्ये गोंधळ घातल्याची प्राथमिक माहिती आहे.
गोकुळच्या अध्यक्ष निवडीआधी संचालकांची सहल
समविचारी आघाडीचे १३ संचालक कर्नाटकात
महायुतीचे संचालक उद्या गोव्याला जाणार
बुलडाणा -
५०० कोटींच्या ऑडिओ क्लिपवरून जयश्री शेळकेंचा सरकारवर हल्लाबोल
“सरकारची आता परीक्षा; कारवाई न झाल्यास सगळं मॅनेज असल्याचा संशय!”
बुलडाणा-
बुलडाणा जिल्ह्यात पाणीटंचाई आणि चारा प्रश्नावर प्रशासनाची विशेष उपाययोजना
पाणीटंचाई रोखण्यासाठी प्रशासन ॲक्शन मोडवर
आगामी दुष्काळी परिस्थिती लक्षात घेता व नियोजना संदर्भात जिल्हाधिकारी यांनी दिली प्रसार माध्यमांना माहीती
- टायगर श्रॉफ गोळीबार प्रकरणात मोठा खुलासा, रणदीप मलिक मास्टरमाइंड असल्याचा तपास यंत्रणांना संशय
- रणदीप मलिक हा अनमोल बिश्नोईचा जवळचा असल्याची क्राइम ब्रँचच्या सूत्रांची माहिती.
- मलिकने मुख्य आरोपी अनिल पंडित याच्याशी शूटर रेहान अन्सारी आणि शस्त्र पुरवठादार कुणाल सिंह यांचा संपर्क करून दिल्याचा आरोप.
- मलिकनेच रेहानला मुंबईत जाऊन अनिल पंडितच्या सूचनेनुसार काम करण्यास सांगितल्याची माहिती.
तारकर्लीत रापण नौकांना भीषण आग; एक नौका जळून खाक
मालवण तारकर्ली किनाऱ्यावर ठेवण्यात आलेल्या रापण मासेमारीच्या दोन नौकांना रात्री अचानक आग लागली.
या आगीत एक नौका पूर्णपणे जळून खाक झाली, तर दुसऱ्या नौकेचे मोठे नुकसान झाले आहे.
या नौका नरेश कांदळगावकर आणि गुंडू कांदळगावकर यांच्या मालकीच्या आहेत त्या किनाऱ्यावर उभ्या होत्या.
अमरावती -
अमरावती जिल्ह्यातील ६०० सेवा सहकारी संस्थांना पीककर्ज वाटपातील कामकाजावरून जिल्हाधिकाऱ्यांनी बजावल्या कारणे दाखवा नोटीस
कर्जमाफीचा लाभ मिळालेल्या पात्र शेतकऱ्यांना नवीन पीककर्ज उपलब्ध करून देण्याचे जिल्हाधिकारी आशिष येरेकर यांचे निर्देश.
पीककर्ज वाटपात दिरंगाई करणाऱ्या बँका व सेवा सहकारी संस्थांच्या कामकाजाचा आढावा घेऊन आवश्यक कार्यवाही करण्याचे आदेश.
मागील आढाव्याच्या तुलनेत पीककर्ज वाटपात केवळ ७ ते ८ टक्क्यांची वाढ; जिल्हाधिकाऱ्यांनी व्यक्त केली नाराजी.
पिंपरीतील अशोक थिएटर रस्त्यावर वाघेरे पार्कसमोर दगडांनी भरलेला डंपर पलटी झाल्याची घटना घडली आहे.
ड्रेनेज चेंबरमध्ये चाक अडकल्याने हा अपघात झाल्याची प्राथमिक माहिती आहे. या घटनेत सुदैवाने जीवितहानी झाली नाही.
मात्र डंपर आणि जवळ उभ्या असलेल्या सीबीझेड दुचाकी वाहनाचे मोठे नुकसान झाले आहे.
नागपूर
- नायलॉन मांजाविरोधात नागपूर पोलिसांचे अनुकरण करा, हायकोर्टाचे निर्देश
- विदर्भातील सर्व ११ जिल्ह्यांच्या पोलीस अधीक्षकांना कारवाईचे आदेश
- नायलॉन मांजाची पुरवठा साखळी तोडून मूळ स्रोत शोधण्याचे निर्देश दिले
- सिल्वासामधील कारखान्यावर छापा टाकून नागपूर ग्रामीण पोलिसांनी ६ कोटी २६ लाखांचा माल जप्त केला
दिल्ली- केंद्रीय गृहमंत्री अमित शाह आज दिल्ली पोलिस मुख्यालयाला भेट देणार
इंडिया आघाडीचा १ नोव्हेंबरला रामलीला मैदानात मार्च आहे, त्या पार्श्वभूमीवर ही भेट महत्वाची
सीजेपी आणि कांग्रेस पक्षाच्या आंदोलनानंतर ही पहिलीच भेट
अमित शाह दुपारी ३ वाजता भेट देणार
राजधानी दिल्लीतील कायदा आणि सुव्यवस्थेच्या परिस्थितीचा आढावा घेतला जाणार
वरिष्ठ अधिकाऱ्यांसोबत चर्चा करणार असल्याची माहिती
गडचिरोली जिल्ह्यातील अहेरी तालुक्यातून एक धक्कादायक वास्तव समोर आले आहे.
स्वातंत्र्याला 78 वर्षे झाली तरी एक आदिवासी भागात आजही मूलभूत सोयी-सुविधांपासून वंचित आहे.
चिरेपल्ली, पत्तीगाव, कोतागुडम, मरणेली आणि खांदला या ग्रामसभांच्या सहकार्याने बेमुदत ठिय्या आंदोलन सुरू करण्यात आले आहे.
या गावांना जोडणारा खांदला ते चिरेपल्ली आणि चिरेपल्ली ते आलापल्ली हा मुख्य रस्ता तात्काळ करण्यात यावा ही प्रमुख मागणी आहे.
पुणे - अवैध हातभट्टी दारू विक्रीप्रकरणी महिलेला ‘एमपीडीए’अंतर्गत कारवाई
वारजे माळवाडी पोलिसांची कारवाई
आरोपी महिलेची कोल्हापूर मध्यवर्ती कारागृहात रवानगी
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.