Ajit Pawar News : अजित पवार विश्वासघातकी ! 'त्यांच्यावर काका शरद पवारांचाही विश्वास राहिला नाही'

Ajit Pawar News : अजित पवार यांच्यावर त्यांचे काका (शरद पवार) देखील विश्वास ठेवत नाहीत अशी टिप्पणी केंद्रीय गृहराज्यमंत्री अजय कुमार मिश्रा (ajay kumar mishra) यांनी विराेधी पक्ष नेता अजित पवार यांच्याबाबत केली आहे. केंद्रीय गृहराज्यमंत्री मिश्रा हे सातारा जिल्ह्याच्या दाै-यावर आहेत. माध्यमांशी बाेलताना एका प्रश्नावर मिश्रांनी अजित पवार (ajit pawar) हे विश्वासघातकी असल्याचे म्हटलं आहे.

भारतीय जनता पक्ष विरोधकांवर ईडी व अन्य विभागाच्या दबावतंत्राचा वापर करत असल्याची टीका अजित पवार यांनी केली आहे. त्यावर आपल्याला काय वाटते या प्रश्नावर मिश्रा यांनी अजित पवार यांच्यावर त्यांचे काकाही विश्वास ठेवत नाहीत असे म्हटले.

मिश्रा म्हणाले महाराष्ट्रातील (maharashtra) विरोधी पक्षनेतेपदही त्यांनी दबावतंत्राने मिळवले आहे. मुख्यमंत्री पदासाठी सुध्दा ते समझोता करणारे आहेत. त्यामुळे राहुल गांधी व अजित पवार यांच्यावर काय बोलायचे असेही मिश्रा यांनी नमूद केले. (Maharashtra News)

Edited By : Siddharth Latkar