डोंबिवलीच्या शास्त्रीनगर रुग्णालयातील डॉक्टर नर्स मारहाण प्रकरणात मोठी घडामोड समोर आली आहे. उच्च न्यायालयाने नगरसेवक रमेश म्हात्रे आणि इतर तीन आरोपींचा जामीन रद्द केल्यानंतर पोलिसांनी या प्रकरणातील पाचवी आरोपी साधना कारंडे हिला अटक केली आहे.
इंडियन मेडिकल असोसिएशन आणि इतर सर्व वैद्यकीय संघटना यांचा निर्णय
मुंबई उच्च न्यायालयाने केलेल्या आवाहनाला मान देऊन, रुग्णांच्या हिताला बाधा येऊ नये म्हणून आय एम ए चा निर्णय
डोंबिवली मध्ये झालेल्या प्रकरणाच्या निषेधार्थ उद्या राज्यव्यापी संप होणार होता
- स्मार्ट टॉयलेट बनले ड्रग्ज तस्करांचा अड्डा, मकोकाच्या आरोपीसह तिघे जेरबंद. स्मार्ट टॉयलेटचा गांजा लपवण्यासाठी वापर
- नागपूर महापालिकेच्या स्मार्ट टॉयलेटचा ड्रग्ज साठ्यासाठी वापर उघड.
- गुन्हेशाखेच्या सामाजिक सुरक्षा विभागाने नंदनवन झोपडपट्टी परिसरातील केडीके कॉलेज मार्गावरील स्मार्ट टॉयलेटमध्ये छापा टाकून कारवाई करण्यात आली.
शिवसेना शिंदे गट शहादा शहर आणि तालुक्याच्या वतीने भव्य पक्षप्रवेश आणि पदाधिकारी नियुक्ती मेळावा पार पडला. या मेळाव्यात रायखेड, मलगाव, सुलवाडे, वैजाली यांसह विविध ग्रामीण भागांतील शेकडो नागरिकांनी शिवसेनेत जाहीर प्रवेश केला.यावेळी मार्गदर्शन करताना आमदार चंद्रकांत रघुवंशी म्हणाले की, कार्यकर्त्यांची संख्या कमी असली तरी त्यांची पक्षनिष्ठा महत्त्वाची आहे.
आदिवासी भागातील शिक्षणाचा धक्कादायक बट्ट्याबोळ...!
शिकवायला शिक्षक नाही, जेवण निकृष्ट ते ही वेळेवर मिळत नाही.
आदिवासी भागातील जिल्हा परिषदेच्या निवासी शाळेतील सर्वच्या सर्व 342 विद्यार्थ्यांनी शाळा सोडली.
मेळघाटातील कुपोषण, बालमृत्यू आणि मातामृत्यू निर्मूलन हे शासनाचे प्रमुख उद्दिष्ट असून, त्यासाठी प्रशासन आणि सामाजिक संस्थांनी समन्वयाने काम करण्याची गरज असल्याचे आदिवासी विकास मंत्री डॉ. अशोक उईके यांनी म्हटले आहे.
चिखलदरा येथील आढावा बैठकीत त्यांनी कुपोषणाची कारणे स्पष्ट करत अंगणवाडी सेविका, आशा कार्यकर्त्या आणि सामाजिक संस्थांनी मिशन मोडमध्ये जनजागृती करण्याचे आवाहन केले.
- सोनम वांगचुक यांच्या समर्थनार्थ आता सर्वत्र सिजेपी देशभरात रस्त्यावर उतरणार... नागपुरात उद्या (सोमवारी) शांतता मार्च.
- व्हेरायटी चौक ते आरबीआय चौक असा मार्चचा मार्गने आंदोलनाचे आयोजन करण्यात आले आहे
- *जंतर-मंतर ते संसद मोर्चात सहभागी होऊ न शकणाऱ्यांनी आपल्या शहरात आंदोलन करन्याचे कॉकरोच पार्टीचे संस्थापक अभिजित दिपकेचे आवाहन.
यवतमाळ जिल्ह्यात बोगस सोयाबीन कंपन्यांवर पोलिसात गुन्हा दाखल
यवतमाळ ग्रामीण-२, दारव्हा, आर्णी, दिग्रस आणि बाभुळगाव पोलिस ठाण्यांत गुन्हे दाखल
पुनर्वसित इर्शालवाडीत शासनाने बांधून दिलेल्या घरांना दोन वर्षात गळती
दुरुस्तीसाठी आदिवासींना शासनाचे दार ठोठावण्याची पाळी
धार्मिकता आणि पर्यंटन यांचा दुहेरी संगम असलेले सिंधुदुर्ग जिल्ह्यातील पर्यटन स्थळ म्हणजे कासारटाका.. मालवण तालुक्यात असलेले हे स्थळ नेहमीच भाविकांना आणि पर्यटकांना आकर्षित करतं.
नवसाला पावणारे देवस्थान म्हणुन प्रसिद्ध असलेल्या कासार टाका येथे लाखोच्या संख्येने पर्यटक येत असतात. विशेषतः गोवा आणि कर्नाटक येथील पर्यटकांची संख्या जास्त असते.
पंढरपूर -
पंढरपुरात मोठा अवैध दारू साठा जप्त
ऐन आषाढी वारीच्या तोंडावर पंढरपुरात 1 लाख 42 हजार रुपये किंमतीचा अवैध दारूसाठा जप्त करण्यात आला आहे.
पोलिसांनी शहरात तीन विविध ठिकाणी केलेल्या कारवाईत अवैध दारूसाठ्यासह एक कार , मोटारसायकल आदी मुद्दे माल जप्त केला आहे.
नंदुरबार -
शहादा शहरात भुरट्या चोरांचा हैदोस.
मोटारसायकल चोरण्याचा प्रयत्न फसल्याने अखेर
सायकल घेऊन चोर पसार
चोरीची संपूर्ण घटना सीसीटीव्हीत चोर कैद
शहादा पोलीस ठाण्यापासून हाकेच्या अंतरावरील पेट्रोल पंपावर चोरीची घटना
बुलढाणा -
बोगस बियाणे पेरले, फक्त 20% उगवले
संतप्त शेतकऱ्याने सात एकर सोयाबीन पिकावर फिरवलं रोटावेटर.
सहा महिन्यापासून तालुका कृषी अधिकारी पद रिक्त असल्याने कुणाकडे..? संतप्त शेतकऱ्याचा सवाल.
पुणे -
निरीक्षणगृहात नेण्यापूर्वी तीन अल्पवयीन मुलांचे पलायन, दोघे ताब्यात
कोरेगाव पार्क परिसरात निरीक्षणगृहात दाखल करण्यासाठी नेण्यात येत असलेल्या तीन १७ वर्षीय विधिसंघर्षित बालकांनी कर्मचाऱ्यांशी झटापट करून पलायन केले.
पोलिसांनी तातडीने शोधमोहीम राबवून दोघांना ताब्यात घेतले आहे ..तिसऱ्या बालकाचा शोध सुरू आहे.
याप्रकरणी कोरेगाव पार्क पोलिस ठाण्यात गुन्हा दाखल करण्यात आला आहे पुढील तपास सुरू आहे.
पुणे -
लोणावळा-कर्जत दुरुस्तीमुळे २५ जुलैपर्यंत अनेक एक्सप्रेस गाड्या रद्द
लोणावळा-कर्जत रेल्वेमार्गावरील तिसऱ्या लाइनच्या दुरुस्तीचे काम सुरू असल्याने मध्य रेल्वेने २५ जुलैपर्यंत अनेक एक्सप्रेस गाड्या रद्द, वळविण्याचा आणि शॉर्ट टर्मिनेट करण्याचा निर्णय घेतला आहे. सीएसएमटी-चेन्नई, सीएसएमटी-हैदराबाद, दौंड-इंदूर, हडपसर-जोधपूरसह अनेक गाड्यांवर परिणाम झाला आहे प्रवाशांनी प्रवासापूर्वी रेल्वेचे वेळापत्रक तपासण्याचे आवाहन करण्यात आले आहे.
पुणे -
कर्तव्य बजावताना मद्यपान करणाऱ्या आणि बेजबाबदारपणे वागणाऱ्या कर्मचाऱ्यांविरुद्ध पुणे एसटी प्रशासनाकडून कारवाईचा बडगा
मागील आठ महिन्यांत पुणे विभागातील १० कर्मचारी निलंबित
त्यातील चार कर्मचाऱ्यांना बडतर्फ का करू नये, अशी नोटीस बजावली आहे
त्यामुळे एसटी कर्मचारी वर्गात खळबळ उडाली असून, बेजबाबदार आणि बेशिस्त कर्मचाऱ्यांचे धाबे दणाणले आहेत
पुणे -
एमबीए प्रवेश नोंदणीसाठी आजचा शेवटचा दिवस
आतापर्यंत ६५ हजार विद्यार्थ्यांनी केली नोंदणी
एमबीए आणि एमएमएस अभ्यासक्रमाच्या प्रवेश नोंदणीसाठी आजचा दिवसापर्यंत ची मुदतवाढ
संकेतस्थळावर अर्जाची ऑनलाईन नोंदणी आणि आवश्यक कागदपत्रे अपलोड करण्यासाठी रविवारी सायंकाळी पाच वाजेपर्यंत मुदत
प्रवेशाच्या अर्जाची पडताळणी आणि अर्जाची निश्चिती सोमवारपर्यंत करता येणार.
प्रवेशाची अंतिम गुणवत्ता यादी २७ जुलैला संकेतस्थळावर प्रदर्शित होणार
वीजपुरवठा वारंवार खंडित होत असल्याच्या निषेधार्थ महावितरणच्या कार्यालयात झोपा आंदोलन
वाशिमच्या मानोरा तालुक्यातील कारखेडा, वरोली, रामतीर्थ, सेवादासनगर, तळप बुद्रूक आणि विठोली या गावांमध्ये गावातील वीजपुरवठा आणि शेतीपंपाचा वीजपुरवठा वारंवार खंडित होत आहे.
याच्या निषेधार्थ नागरिकांनी काल रात्री मानोरा येथील महावितरणच्या उपविभागीय कार्यालयात 'झोपा आंदोलन' केले.
सायंकाळी ७ ते रात्री ११ वाजेदरम्यान होत असलेल्या अघोषित भारनियमनामुळे शेतीपंप बंद राहत असून त्याचवेळी गावातील घरगुती वीजपुरवठाही खंडित होत असल्याचा आरोप आंदोलनकर्त्यांनी केला.
पुणे -
पुणे जिल्ह्यातील दहा हजार डॉक्टरांचा उद्या संप, सकाळी ६ पासून हॉस्पिटल बंद
२० जुलैला सकाळी सहा ते 21 जुलैला सकाळी सहा पर्यंत खाजगी हॉस्पिटल बंद असणार
वैद्यकीय सेवा विस्कळीत होणार, आपत्कालीन सेवा सुरू राहणार असल्याची माहिती
महापालिका रुग्णालयात डॉक्टर, परिचारिका आणि आरोग्य कर्मचाऱ्यावर झालेल्या हल्ल्याच्या निषेधार्थ राज्यभरात डॉक्टरांचा संप
मुंबईतील माझगाव डॉक मधील कर्मचाऱ्यांकडून वारकऱ्यांना ड्रायफूट वाटप
श्री संत ज्ञानेश्वर माऊलींच्या पालखीन बरडचा मुक्काम सोडून पंढरपूरच्या दिशेने प्रस्थान केलं,
या प्रवासादरम्यान रक्षा मंत्रालयाच्या माजगाव डॉकमधील शिपबिल्डर कर्मचाऱ्यांनी वारकऱ्यांना ड्रायफूट्स वाटप केलंय.
वारकऱ्यांची एनर्जी टिकून राहावी यासाठी या कर्मचाऱ्यांनी 100 किलो ड्रायफूट वारकऱ्यांना वाटला. हे सर्व कर्मचारी मुंबईवरून वारीमध्ये सहभागी झाले होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
