Ahmednagar News: विविध कंपन्यांच्या ३० दुचाकी जप्त; तीन आरोपींना ठोकल्या बेड्या

सुशील थोरात

अहमदनगर : अहमदनगर जिल्ह्यातून दुचाकी वाहन चोरी होण्याचे प्रमाण मोठ्या प्रमाणावर वाढत होते. त्या (Ahmednagar) अनुषंगाने स्थानिक गुन्हे शाखेचे पोलीस निरीक्षक दिनेश आहेर यांनी तपासा संदर्भात एक पथक नेमले होते. दुचाकी चोरी (Bike Theft) करणारी टोळी पथकाच्या हाती लागली असून त्यांच्याकडून २२ लाख रुपये किंमत असलेल्या ३० दुचाकी जप्त केल्या आहेत. (Breaking Marathi News)

अहमदनगरच्या स्थानिक गुन्हे शाखेच्या पथकाने जिल्ह्यातून दुचाकी वाहन चोरी करणाऱ्या टोळीचा तपास लावत या टोळीतील मुख्य सूत्रधार अन्वर शेख याला कोपरगाव तालुक्यातील सावळे विहार फाटा येथे सापळा लावून अटक केली. दरम्यान अन्वर शेख याच्याकडे तपास केला असता अहमदनगर जिल्ह्यासह नाशिक, परभणी, मालेगाव या जिल्ह्यातून त्याचे साथीदार बबन मोगरे आणि अंकुश चव्हाण तसेच यांच्यासह दोन महिला देखील दुचाकी वाहन चोरी करत होते. 

महिला आरोपी फरार 
याप्रकरणी पोलिसांनी अन्वर शेख बबन मोगरे आणि अंकुश चव्हाण या तिघांना अटक केली असून त्यांच्याकडून तब्बल २२ लाख रुपयांच्या ३० विविध कंपन्यांचे दुचाकी वाहन जप्त केल्या आहेत. तर त्यांच्या टोळीतील दोन्ही महिला पसार झाले असून त्यांच्या तपासासाठी पथक रवाना करण्यात आले आहे.