दुर्देवी..नवविवाहित पती-पत्नीचा शेततळ्यात बुडून मृत्यू

अहमदनगर : शेततळ्यावर पाणी आणण्यासाठी गेलेल्या नवविवाहित पती- पत्नीचा पाण्यात बुडून मृत्यू झाल्याची दुर्दैवी घटना घडली. पतीला वाचविण्यासाठी पत्‍नीने पाण्यात उडी मारली; परंतु यात (Ahmednagar) त्‍यांचा मृत्‍यू झाला. (ahmednagar news Husband and wife drowned in a field)

कोपरगांव (Kopargaon) तालुक्‍यातील आंचलगाव शिवारात शिंदे कुटुंबियांच्या घरजवळच शेततळे आहे. नेहमीप्रमाणे पूजा शिंदे (वय २२) आणि निलेश शिंदे (वय २७) दोघे जनावरांसाठी पाणी आणण्यासाठी गेले होते. यावेळी निलेशचा तळ्यातील प्लास्टिकच्या कागदावरून पाय घसरून तळ्यात पडला. त्याला वाचवण्यासाठी पूजाने पाण्यात उडी मारली. मात्र दोघांनाही पोहता येत नसल्याने पाण्यात बुडवून त्‍यांचा मृत्यू झाला. घडनेची माहिती मिळताच कोरपगाव पोलीस (Police) घटनास्थळी दाखल होत मृत्यूदेह बाहेर काढण्यात आले. त्यांना कोपरगावातील ग्रामीण रुग्णालयात (Hospital) नेण्यात आले; मात्र डॉक्‍टरांनी त्‍यांना मृत घोषित केले.

वर्षभरापुर्वीच विवाह

निलेश आणि पूजाचा एक वर्षांपूवी विवाह झाला होता. सर्व काही आनंदात संसाराचा गाडा सुरू होता; अशातच काळाने घाला घातला आणि नवं विवाहित पती-पत्नीचा दुर्दैवी मृत्यू झाला. दोघांचाही मृत्यू झाल्याने परिसरात हळहळ व्यक्त होत आहे.