काही क्षणात होत्याचे नव्हते..घराला आग लागून संसार जळून खाक

अहमदनगर : अहमदनगरच्या संगमनेर तालुक्यातील रायतेवाडी येथे संतोष सोनवणे यांच्या घराला आग लागून घरातील संसार उपयोगी सर्व वस्तू जळून खाक झाल्या. काही क्षणात होत्याचे नव्हते झाले. (ahmednagar news house was set on fire and burnt down)

सकाळी घरात स्वयंपाक करून संतोष सोनवणे आणि त्याची आई कामासाठी गेले असता नकळत चुलीच्या (Ahmednagar News) राखेमध्ये विस्तव तसाच राहिला. यात भर दुपारी उन्हाच्या तिव्रतेत राहिलेल्या लाकडाने पेट घेतला. घराच्या भिंती पाचट आणि लाकडाच्या असल्याने आगीने रौद्र रूप धारण केले. बघता बघता मोठी आग (Fire) त्याठिकाणी लागली. आख्खा संसार जळून खाक झाला अन् होत्याच नव्हत झाले. घराशेजारी असणाऱ्या छपरालाही आग लागल्याने वासरचा मृत्यू झाला तर गाय आगीत होरपळून जखमी झाली.

महिनाभरापुर्वीच कर्ता पुरूष गेला

एक महिन्यांपूर्वी घरातील कर्त्या व्यक्तीचे निधन झाले. आता घरात एक मुलगा आणि आई हे दोघेच राहत मोलमजुरी करून आपली उपजीविका भागवत आहे. परंतु नियतीने सगळेच हिरावून घेण्याचे ठरविले होते. आता मायलेक उघड्यावर आले आहेत