जिलेटिनने स्फोट करून एटीएममधील १९ लाखावर डल्ला

अहमदनगर : संगमनेर शहरात एटीएम फोडून रक्कम लांबवण्याच सत्र सुरूच आहे. संगमनेर शहरालगत असलेल्या अमृतवाहिनी कॉलेज समोरील एच.एफ.डी.सी. बँकेचे एटीएम मध्यरात्री जिलेटीनचा स्पोट करून अज्ञात चोरट्यांनी एटीएम फोडून १९ लाख रुपये चोरून नेल्याची घटना घडली आहे. यापूर्वी अशाच प्रकारे संगमनेर (Sangamner) येथे स्पोट करून एटीएम फोडून लाखो रुपये चोरून नेल्याची घटना घडली आहे. अगदी तशाच प्रकारे पुन्हा जिलेटीनने स्फोट करून एटीएम फोडल्याने संगमनेर तालुक्यात खळबळ उडाली आहे. (ahmednagar news Gelatin explodes at Rs 19 lakh in ATMs)

संगमनेर तालुक्यातील समनापूर येथील आशा प्रकारे एटीएमचा स्फोट करून लाखो रुपये चोरट्याने चोरून नेल्याची घटना घडली होती. त्याच घटनेचा तपास लागत नाही; तोच पुन्हा जिलेटिनचा स्फोट करून एटीएम फोडून १९ लाख रुपये चोरट्यांनी लंपास केल्याची घटना घडली आहे. संगमनेर शहरासह तालुक्यात स्पोट करून एटीएम फोडण्याच्या घटनेमध्ये वाढ होताना दिसत आहे. तरीही पोलीस (Police) या घटनेचा गांभीर्याने तपास करत नसल्याचं दिसत आहे.

शंभर फुटावर उडाले मशीन

स्फोट इतका भयानक होता, की एटीएम मशीन अक्षरशः शंभर फुटावर जाऊन पडलेले होते. घटनास्थळी पोलीस दाखल होत वेगवेगळी पथके तयार करून चोरट्यांचा शोध घेत आहे. पोलिसांना घटनास्थळी स्पोट घडून आणण्यासाठी वापरलेले साहित्यही मिळून आले आहे.