पहाटेचा थरार..घरात घुसून पती– पत्नीस चाकूचा धाक दाखवत चोरट्यांनी लुटले

अहमदनर : बेलापूर (ता. श्रीरामपूर) येथे ओम साई पेट्रोल पंपसमोरील नेहे यांच्या बंगल्यात चोरट्यांनी प्रवेश केला. पहाटेच्‍या सुमारास हा थरार घडला असून पती– पत्नीला चाकूचा धाक दाखवत दरोडा टाकून तब्बल अडीच लाख रुपयांचा मुद्देमाल घेऊन चोरटे पसार झाले आहे. या घटनेने परिसरात खळबळ उडाली असून घटनेची माहिती जवळील नागरिकांना कळताच पोलीस प्रशासनाला पाचारण करण्यात आले. घटनास्थळी पोलिस दाखल झाले असून चोरट्यांचा शोध घेत आहे. (Ahmednagar-news-crime-Husband-and-wife-were-robbed-by-thieves-at-home)

अहमदनगरच्या (Ahmednagar) श्रीरामपूर तालुक्यातील बेलापूर येथे ओम साई पेट्रोल पंपासमोर बाळासाहेब नेहे यांच्या बंगल्यावर धाडसी दरोडा (Theft) टाकला. सहा चोरट्यांनी पहाटे दोन ते अडीच्या सुमारास बंगल्याचा दरवाजा उघडून सहा चोरट्यांनी घरामध्ये प्रवेश केला.

गळ्याला लावला चाकू

घरात बाळासाहेब नेहे आणि त्यांच्या पत्नी हे दोघांनाही जाग आली. यावेळी चोरट्यांनी दोघांनाही चाकूचा धाक दाखवत रोख रक्कमेसह सहा तोळे सोने घेऊन पसार झाले. घटनेची माहिती कळताच श्रीरामपूर पोलीस (Police) घटनास्थळी दाखल झाले असून चोरट्यांचा शोध घेत आहे.