Ahmednagar Crime News: अहमदनगर जिल्ह्यात खुनाचे सत्र सुरूच! पट्ट्याने गळा आवळून अज्ञाताची हत्या; परिसरात खळबळ

सुशिल थोरात, प्रतिनिधी...

Ahmednagar News: गेल्या काही दिवसांपासून राज्यात गंभीर गुन्ह्याच्या घटना समोर येत आहेत. दोन दिवसांपूर्वी पुण्यात (Pune) भरदिवसा तरुणीवर कोयत्याने जीवघेणा हल्ला झाला होता. सुदैवाने या घटनेतून तरुणी वाचली. ही घटना ताजी असतानाच अहमदनगरनगर शहरातून एक धक्कादायक घटना समोर आली आहे.

नगर शहरातील केडगाव उपनगरमध्ये अज्ञात व्यक्तीचा खून करण्यात आल्याचे उघडकीस आले आहे. कंबरेच्या पट्ट्याने गळा आवळून खून केल्याचे प्रथम दर्शनी दिसून येत असून पोलिसांनी घटनास्थळी धाव घेतली आहे.. (Crime News In Marathi)

याबाबत अधिक माहिती अशी की, गेल्या काही दिवसांपासून अहमदनगर जिल्ह्यात खुनाचे सत्रच सुरू आहे. शहरातून पुन्हा एकदा अशीच घटना समोर आली असून नगर शहरातील केडगाव उपनगरमध्ये अज्ञात व्यक्तीचा खून करण्यात आला आहे. अंदाजे पस्तीस वर्षीय इसमाचा खून केडगाव देवी मंदिराकडे जाणाऱ्या रोडवर एका वीट भट्टीजवळ हा तरुणाचा मृतदेह सापडला.

ज्यानंतर परिसरात एकच खळबळ उडाली आहे. याबाबतची माहिती मिळताच पोलिसांनी तात्काळ घटनास्थळी धाव घेत मृतदेह ताब्यात घेतला. या तरुणाचा कंबरेच्या पट्ट्याने गळा आवळून खून केल्याचे प्राथमिक तपासात समोर आले आहे. पोलिस या घटनेचा अधिक तपास करत आहेत.

एकतर्फी प्रेमातून हत्या..

दरम्यान, अहमदनगरमध्ये काही दिवसांपूर्वीच हत्येची भीषण घटना समोर आली होती. तीन अल्पवयीन मुलांनी डोक्यात कुऱ्हाड घालून एका व्यक्तीची हत्या केली होती. सुपा  पोलीस ठाण्याच्या हद्दीत येणाऱ्या नारायण गव्हाण या ठिकाणी गुरुवारी रात्री एका व्यक्तीची हत्या करण्यात आली होती. संतोष गायकवाड असं हत्या केलेल्या व्यक्तीचे नाव असून एकतर्फी प्रेमातून हा हल्ला झाल्याचे सांगण्यात आले. (Latest Marathi News)