Kopardi Death Case: मोठी बातमी! कोपर्डी अत्याचार प्रकरणातील आरोपीच्या चुलत भावाची आत्महत्या

Kopardi Death Case: कोपर्डी बलात्कार आणि हत्या प्रकरणातील आरोपी आरोपीच्या चुलत भावाने गळाफास घेऊन आत्महत्या केली आहे. विठ्ठल ऊर्फ नितीन शिंदे असे आत्महत्या केलेल्याचे नाव आहे.
Kopardi Death Case:
Kopardi Death Case:Saamtv

सुशिल थोरात, अहमदनगर|ता. ३ मे २०२४

संपूर्ण राज्याला हादरवून टाकणाऱ्या कोपर्डी बलात्कार आणि हत्याकांड प्रकरणात एक धक्कादायक अपडेट समोर आली आहे. कोपर्डी बलात्कार आणि हत्या प्रकरणातील आरोपीच्या चुलत भावाने गळफास घेऊन आत्महत्या केली आहे. विठ्ठल ऊर्फ नितीन शिंदे असे आत्महत्या केलेल्याचे नाव आहे.

कर्जत तालुक्यातील कोपर्डी येथे एक मे च्या रात्री भैरवनाथ यात्रेमध्ये तमाशात नाचण्यावरून तरुणांमध्ये वाद निर्माण झाला. या वादात विठ्ठल शिंदे या तरुणाला गावातील तीन तरुणांनी स्मशानभूमीत नेऊन मारहाण केली या सर्व घटनेमुळे अपमानित झालेल्या विठ्ठल शिंदे यांनी दोन तारखेला आत्महत्या केली. विठ्ठलच्या खिशात एक चिठ्ठी सापडल्याने हा प्रकार उघडकीस आला आहे.

याप्रकरणी विठ्ठल शिंदे यांचे वडिलांनी कर्जत पोलिसात कोपर्डी गावातील दिनेश सुद्रिक ,स्वप्नील सुद्रिक आणि वैभव सुद्रिक या तीन जणांवर ॲट्रॉसिटी आणि आत्महत्यास प्रवृत्त केल्याप्रकरणी गुन्हा दाखल केला आहे. स्वप्निल सुद्रिक आणि बंटी सुद्रिक यांच्यामुळे आत्महत्या करत असल्याचे चिठ्ठीत नमूद करण्यात आले आहे.

Kopardi Death Case:
Raigad News: ठाकरे गटाचे जिल्हाप्रमुख अनिल नवगणे यांच्या कारवर हल्ला; आमदार पुत्रासह २५ ते ३० जणांविरोधात गुन्हा

महाराष्ट्राला हादरवणारे कोपर्डी हत्याकांड..

कोपर्डी हत्या प्रकरण हे महाराष्ट्रातले कुप्रसिद्ध अन् विकृतीचा कळस गाठलेले हत्याकांड म्हणून चर्चेत आले होते. १३ जुलै २०१६ रोजी नववीत शिकणाऱ्या १५ वर्षांच्या मुलीवर तिघा नराधमांनी अत्याचार करुन तिचा खून केला होता. हा घटनेने संपूर्ण राज्यात संतापाची लाट उसळली होती. या प्रकरणातील तिन्ही आरोपींना न्यायालयाने दोषी ठरवत फाशीची शिक्षा सुनावली होती. ज्यामधील एका आरोपीने कारागृहात आत्महत्या केली.

Kopardi Death Case:
Maharashtra Election: भाजप-मनसेच्या युतीत शिवसेनेचा खोडा; बाळा नांदगावकरांचा गौप्यस्फोट

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com