तिसऱ्या लाटेच्या पार्श्वभुमिवर नागपूरची चिंता वाढली; ३० टक्के नागरिक लसीच्या दुसऱ्या डोसपासून वंचित

नागपूर: नागपूरमध्ये ३० टक्के पात्र नागरिकांनी कोरोना (Corona) लसीचा दुसरा डोज न घेतल्यामुळे इतरांचे टेन्शन वाढल आहे. नागपूरात (Nagpur) कोरोनाची तिसरी लाट येऊन धडकली आहे. गेल्या २४ तासांत जिल्ह्यामध्ये (district) ४४१ नवे रुग्ण आढळून आले आहेत. तिसऱ्या लाटेचा सामना करण्यासाठी कोरोना (Corona) लस हे महत्त्वाचे हत्यार आहे. मात्र, नागपूरात आतापर्यंत पात्र नागरिकांपैकी ३० टक्के जणांनी लसीचा (vaccine) दुसरा डोज घेतला नाही. त्यामुळे नागपूरकरांची चिंता आणखीच वाढली आहे.

हे देखील पहा-

नागपूर जिल्ह्यामध्ये कोरोनाच्या सक्रिय रुग्णांची संख्या दीड हजारावर गेली आहे. आतापर्यंत ३० जणांना ओमिक्रॅानची (Omicron) लागण झाली. कोरोना वेगाने वाढत असताना, लसीचा दुसरा डोज न घेतलेल्या ३० टक्के लोकांनी आणखी टेंन्शन वाढले आहे. या नागरिकांना शोधून त्यांचे लसीकरण (Vaccination) पूर्ण करण्याचा प्रयत्न नागपूर महापालिका (Municipal Corporation) प्रशासन युद्ध पातळीवर करत आहेत.

शहरात १५० वर लसीकरण केंद्रांची व्यवस्था करण्यात आली आहे. १८ वर्षावरील वयोगटाच्या नागरिकांचे लसीकरण केले जात आहे. नागपुरात लसीकरणासाठी १९.७३ लाख पात्र नागरिक आहेत. यामधून १९ लाखाहून अधिक पहिला आणि ११ लाखांच्यावर दुसरा डोज देण्यात आला आहे. शहरात पहिला आणि दुसरा डोज मिळून ३०.६० लाख डोस पूर्ण झाले आहेत. मनपा आयुक्त राधाकृष्णन बी. यांनी नागरिकांना लसीकरणाचे दोन्ही डोज पूर्ण करण्याचे आवाहन यावेळी केले आहे.

Edited By- Digambar Jadhav